DILI – Klubu segundu divizaun hamutuk 12, maibé iha dada sorteu ne’e klubu 11 mak partesipa iha sorteu refere, tanbá Sporting klubu de Timor foti desizaun hodi hakiduk iha liga Fútebol Timor Leste (LFTL) epoka 2021 ho razaun finanseiru.
Diretor verifikasaun lisensamentu klubu LFTL Jose Carvalho hatete, hahu ita hotu espera klubu 12 mak partisipa, maibé to’o loron ohin klubu 11 mak partisipa iha dada sorteu refere, tanbá klubu Sporting de Timor rezigna husi LFTL.
“Ho desizaun Sporting nian la partisipa iha jogu segundu divizaun epoka 2021, LFTL senti lakon klubu diak ida” dehan Jose Carvalho ba jornalista iha salaun Xanana Sport Center Sabadu, (09/10).
Nia relata, LFTL foti ona desizaun ba Sporting, tanbá to’o oras ikus sira la prense kriteriu sira ne’e ho razaun problema interna hanesan finanseiru.
Tinan ida ne’e impaktu tebes, tanbá kompetisaun ne’e tuir lolos klubu 12, maibé Sporting foti desizaun ne’e fo mos impaktu ba jogador sira mak sai vitima.
Maibé LFTL flexivel tebes tinan ida ne’e ita lakoi jogador sira sai vitima ba problema klubu nian, entaun ita fo tempu ba jogador Sporting nian bele muda ba klubu seluk.
“Ita hotu hatene regulamentu durante tinan lima liga lao ne’e iha, tanbá ne’e Sporting sei simu sansaun hodi tun ba treseiru divizaun iha tinan oin mai hanesan mos tinan kotuk kuandu klubu Uniao la partisipa iha jogu liga, ami fo sansaun tun ba treseiru divizaun no Atletico Ultramar abandona kampu foti nia la partesipa iha jogu taca 12 Novembor durante tinan rua”.
Relasiona ho asuntu ne’e desportu.xyz halo konfirma ho treinador Sporting klubu de Timor Moises da Silva liu husi via Whatsapp, maibé nia lakoi fo komentari, tanbá prezidente klubu mak iha kompetensia ba problema refere.
Enkuantu iha dada sorteu ne’e klubu Fc Porto Taibesi sei kontra Zebra fc iha jogu abertura ne’ebé mak sei hala’o iha Estadiun Munisipal Dili iha loron Tersa (12/09).
About Post Author
