DILI-atleta Yohan Goutt Gonsalves sei reprezenta Timor Leste ba partisipa jogu Olimpic Games 2022 ne’ebé sei halao iha Beijing iha loron 16 fulan Fevreiru tinan ne’e.
Atleta Yohan Goutt Gonsalves moris iha loron 20 fulan Dezembro 1994 iha nasaun Franca no inan husi Timor Leste no aman mai husi Franca.
Sekretario Estadu Juventude no Desportu Abrão Saldanha hatete, Comite Olimpico Nasional Timor Leste (CONTL) no Enbaixa Cina hakarak hato ba publiku tomak liu liu ba sira ne’ebé gosta desportu.
“ho orgullu tomak hakarak deklara ba publiku katak ita nia atleta Yohan Goutt Gonsalves sei reprezentaTimor Leste ba jogu Winter Olimpic Games 2022 iha Beijen” informa Abrão ba jornalista sira iha preskonfres ne’ebé hala’o salaun eis Sional Dili kuarta (19/01).
Nia informa, lori governu nia naran hakarak transmiti hela mehi ida ne’ebé atleta iha mak hakarak hatur Timor Leste hanesan nasaun ki’ik ida iha mapa mundu nian liu husi eventu desportu mundial ida ne’e no husi hau nia partisipasaun iha jogu refere atu nune’e nasaun hotu bele konese.
Timor oan Yohan Goutt Gonsalves sei partisipa iha modalidade esking no Fristael no nia sei joga iha loron 16 to loron 19 fulan Fevreiru tinan ne’e iha Beijen.
“konaba jogu Winter Olimpic Games sei abertura iha loron 4 fulan Febreru no atleta Yohan sei mai direitamente husi Franca ba China iha loron 2 fulan Fevreiru tinan ne’e”
Governante ne’e husu ita hotu nia apoiu ba atleta Timor oan Yohan nia partisipasaun hodi reprezenta ita hotu nia orgullu atu konkerteza mehi ne’ebé mak ita nia hakarak.
Enkuantu Timor Leste sei delega mediku ida, Xefe demisaun ida, Atleta ida, trenador ida, oficial ida no CONTL sei delega ema nain rua.
Sorin seluk Enbaixador China iha Timor Leste Xiao Jianguo afirma, konaba Timor Leste atu partesipa iha jogu Winter Olimpic Games 2022 iha Beijen, TL prepara deit mak pasajen ita nian ba to iha China.
No preparasaun atleta nian iha Beijen, ami mak sei responsablidade tomak ba asuntu hirak ne’ebé mak TL perzisa iha China.
About Post Author
