Dili- Eis Jogadór Boaista Fc Francyamat Ima Kefy (21) susesu Lori Aitana Fc Sai Husi Zona Mean degradasaun ba segundu divizaun époka tinan ne’e, hafoin halakon As Ponta Leste iha jogu jornada dalima Liga Futeból Timor Leste (LFTL) primeira divizaun ho pontus 4 no okupa iha tabela klasifiksaun daneen nian.
Jogu entre ekipa rua iha stadium munisipal Dili, sabadu (11/12) foin jogu hahú Aitana Fc lansa kedas ameasa, liu husi jogador Edit Xavio (9) nia bola cabsada hodi doko rede As Ponta Leste nian.
Ekipa rua nafatin halo kontra atake ba malu no nafatin hatudu sira nia ritmu jogu hodi tenta atu produs golu ho lais, maibé la iha oportunidade di’ak.
Hafoin iha minutu 22, jogadór As Ponta Leste fura uluk rede Aitana Fc nian liu husi jogadór Marito dos Santos (9) hodi muda skor ba 1-0.
Skor refere halo ekipa Aitana Fc nafatin hatudu sira nia ritmu jogu, hodi nafatin halo atake, tan ne’e hafoin iha minutu 28 Aitana Fc fura rede As Ponta Leste nian, liu husi jogadór Francyamat Ima Kefy (21), hafoin sutu bola livre dok husi liña 16 As Ponta Leste nian hodi rejulta kedas golu, nune’e hodi muda skor 1-1.
Ekipa As Ponta Leste, mós la tur hamatek hodi fila kontra atake, no bola monu ho oportunidade di’ak dala rua tuituir malu, maibé jogadór avansadu sira la aproveita ho di’ak atu produs golu.
Tan ne’e, ekipa rua nafatin atake malu, atu produ tan golu ruma, maibé defeza ida-idak mantein nia liña metin atu salva golu to’o jogu primeora parte deskansa ekipa rua mantein skor 1-1.
Hafoin hakat ba jogu segunda parte, ekipa rua nafatin hatudu sira nia ritmu jogu hodi kontra atake nafatin malu, maibé seidauk hetan oportunidade di’ak atu produs golu.
Aitana Fc muda hikas skor ba 2-1 iha minutu 59 hafoin As Ponta Leste sofre tan golu ba daruak liu husi jogadór Francyamat Ima Kefy (21), bainhira aproveita bola barullu iha area 16 grandeia As Ponta Leste nian.
Jogadór As Ponta Leste nian, Samuel da Cruz (11), tenta lori tama area grandeia Aitana Fc nian, maibé defeza Aitana Fc nian hatudu sira nia disiplina jogu atu sira labele hatan bola falta iha sira nia area.
Aitana Fc nafatin halo atake atu aumenta tan golu, maibé defeza As Ponta Leste nian sei nafatin salva sira nia ekipa atu simu tan golu ruma.
No As Ponta Leste tenta muda sira nia jogu atu produs tan golu hodi muda skor hansan atu halo impata ba jogu refere, maibé defeza Aitana Fc nia mantein sira nia disiplina jogu hodi mantein skor ne’ebé sira iha.
Tanba ne’e to’o jogu segunda parte remata, vitória ba Aitana Fc lidera ho skor 2-1.
About Post Author
