Dili-(Desportu XYZ) atual prezidenti Federasaun Futebol Timor Leste FFTL Francisco Jeronimu hateten, laiha dalan bá ha’u atu rejigna a’an husi kargu prezidenti FFTL tanba Seidauk iha kongresu ruma.
“Sira dehan Asosiasaun 11, maibé iha Asosiasaun balun laiha asinatura, no ida ha’u vistu de’it ne’e mós asina hotu ga i depois asina tiha tauk lakoi tau naran, Tanbasa lakoi tau naran tauk fali ga tanba ne’e mak laiha dalan atu resigna’an tanba seidauk iha kongresu” nia afirma bá jornalista iha salaun Delta Nova kinta (10/11)
Nia esplika, laiha dalan duni atu rejigna a’an tanba seidauk liu husi kongresu la’ós husu malu hanesan ne’e tanba ne’e ha’u dehan labele polítiza bola sai fali polítika.
Dala ida tan ha’u husu bá ita bot sira asinatura husi Asosiasaun sira ne’e nia valor atu dehan los mak ne’e ga tanba iha estatutu Federasaun hatete prezidenti mak reprezenta Federasaun hodi reprezenta fali Asosiasaun hodi asina ho sesei de’it.
“Ha’u dehan bebeik ona labele dun malu hela de’it, sei hanesan ne’e ita labele Resolve problema ida”
Nia sublina liu tan, iha estatutu Federasaun nian hatete hanesan ne’e, sei mak bele iha dereitu bá asina dokomentus,sei Vice prezidenti mai asina dokomentus ruma nia hetan delegasaun poder husi sei, tanba ne’e ita hothotu labele polítiza sasán sira ne’e.
Prezidenti FFTL ne’e afirma, ha’u husu bá Asosiasaun sira ne’e tanbasa asina tiha lakoi tau naran tuir loloos tenki tau naran tanba ha’u asina tiha ha’u tenki responsablidade labele asina mamuk de’it, tanba ne’e ema dehan ita halimar la klaru.
Rekorda fali katak, iha loron 27 fulan Outubro tinan ne’e Asosiasaun 11 halo konferensia inprensa hodi hasu bá prezidenti FFTL atu rejigna A’an husi nia kargu prezidenti tanba prezidenti la kumpri promesa ne’ebé mak hato’o ona iha kongresu foin lalais ne’e.
About Post Author
 atual prezidenti Federasaun Futebol Timor Leste FFTL Francisco Jeronimu hateten, laiha dalan bá ha'u atu rejigna a'an husi kargu prezidenti FFTL tanba Seidauk iha kongresu ruma. %%sitename%%){kind=link}