DILI – Relasiona rezolusaun governu liu husi Konsellu Ministru ne’ebé mak inpoen konfinamentu domisilariu jeral ba munisipiu Dili hodi bandu atividade hotu no liu-liu aktividade desportu, tanbá ne’e Federasaun Fútebol Timor Leste (FFTL) ohin submete karta ida ba Ministeriu Saude hodi husu autoriza jogu Liga Fútebol Timorense Femenino.
Lia hirak ne’e hato’o husi adjuntu Sekretario Jeral FFTL Frederico Martins iha konferensia imprensa ne’ebé mak halao iha FFTL Bairu Grilos kinta (26/08)
“Ita hotu hatene bazea ba desizaun konsellu Ministru nian hodi inpoin konfinamentu domisilariu jeral komesa aban 27 Agostu to’o 2 Setembru, tanbá ne’e Federasaun tenta halo komunikasaun ida ho Ministeriu Saude hodi autoriza ita nia aktividade jogu, maibé ho kriteriu ne’ebé tuir nafatin protokolu organizsaun saude munidial inklui MS”
Maibé governu agora dadauk hasoru hela situasaun ida, tanbá ne’e ami prepara hela karta ida ba gabinete Ministra Saude nian no sira hatete katak karta ne’e aban foin bele resposta.
Nia haklaken, hare ba situasaun ida ne’e, tanbá aban jogu liga feto ba segundu divizaun nian iha jornada daruak labele la’o no ami mos lakoi atu foti risku no ami deside hodi muda orariu segundu jornada nian hodi hein desizaun husi Ministeriu Saude kona ba karta ne’ebé mak hato’o ona.
Iha karta ne’e mos federasaun husu ba Miniteriu Saude atu fo autoriza ba ita nia selesaun nasional sub 23 hodi kontinua trenu, tanbá federasaun preokupa tebes iha 27 fulan Otubro 2021 sei partisipa iha kompetisasun kualifikasaun AFC Cup sub 23 nian iha Singapura.
About Post Author
