DILI – Hafoin governu liu husi Konsellu Ministru hakotu Konfinamentu Obrigatoriu jeral iha Dili, Federasaun Fútebol Timor-Leste (FFTL) hahu hodi kontinua fali jogu jornada daruak segundu divizaun no primeiru divizaun Liga Fútebol Timorense Feminino iha loron 18 no 25 fulan Setembru 2021.
Adjuntu Sekretariu Jeral FFTL Frederico Martins hateten, hafoin governu hapara Konfinamentu Obrgatori Jeral iha Dili, FFTL sei fo tempu semana ida ba klubu segundu divizaun no primeiru divizaun atu halo preparasaun lai ba jogador sira, tanbá jogu liga feto hapara tia durante semana rua.
“Ho situasaun ida ne’e FFTL muda fali jogu jornada da ruak ba segundu divizaun entre Sao Jose FC kontra Unital FC sei hala’o iha loron 18 fulan Setembru tinan ne’e iha kampu Demokrasia Dili” relata Frederico Martins ba Desportu.xyz iha Bairu Grilhos Kinta 09/09/2021.
Konaba jogu primeiru divizaun entre Maranatha kontra Buibere FC sei kontinua fali ba loron 25 fulan Setembru tinan ne’e.
Nia mos sublina katak, treinamentu ba ekipa selesaun nasiona sub 23 sei hahu ohin, tanbá ita livre ona husi Konfinamentu Obrigatoriu.
Maibé iha jogador nain tolu mak seidauk halo trenamentu, tanbá iha teste Swab ne’e detekta sira nai tolu hetan positivu covid 19 no agora dadaun kumpri hela karantina.
About Post Author
