DILI – Federasaun Futebol Timor Leste (FFTL) realiza kongresu Estra Ordanario ba 6 tuir estatu FIFA nian katak kada tinan tenki realiza kongresu atu foti dezisaun saida mak federasaun atu halo ba Futuru oin mai.
Tuir prezidenti FFTL Francisco Jeronimo hatete, desde hau nia mandatu husi tinan 2018 to mai agora FFTL realiza konkresu ba tinan ida ne’e hamutuk ba dala 6.
“Ho kongresu ba dala 6 ne’e, FFTL atu foti desizaun kona ba saida mak agora ami atu halo ba futuru tuir estatutu federasaun nian hodi bele komunga tuir FIFA nian hakarak liu husi estatutu ami nian no AFC, AFF” informa Francisco Jeronimo ba jornalista iha salaun Otel City Manleu sabadu (24/07)
Nia dehan, planu ne’ebé mak federasaun iha mak tenki lori Fútebol to’o ba munisipiu hotu, tanbá dala barak ona iha jogu munisipiu balun akontese ona, maibé laos buat barak mak halo minimu federasaun halo.
Planu sira ne’ebé mak ami hakarak atu halo mak rekursus humanu arbitrazen, trenador no mat komisioner sira atu nune’e bele perpara diak liu tan hodi profesioliza bola ne’e ba munisipiu hotu.
Esforsu federasaun nian mak konsege fo formasaun ba treinador sira ohin loron treinador balu hetan ona sertifikadu ho lisensa B, no iha tinan oin ami hakarak realiza tan ba A atu nune’e treinador sira lidera ona selesaun nasional Timor Leste, tanbá durante ne’e ita sosa deit treinador internasional.
“Uluk ita nia arbitrazen sura liman fuan deit, maibé agora ita besik atus lima husi Dili to munisipiu hotu la presiza jogu ona arbitrazen husi Dili mak sai ba ona”
Francisco haklaken, konaba infrastrutura ami hein deit bainhira mak governu entrega poder ne’e mai federasaun, liu husi entrega sertifikadu propriedade rai estadu nian mai ami, federasaun sei iha kampu fútebol estandar ida iha Timor hodi bele realiza jogu internasional sira.
Partisipasaun iha kongresu FFTL nian ba dala 6, mai husi Asosiasauun munisipiu Aileu, Ainaro, Baucau, Bobonaro, Covalima, Dili Leste,Dili Oeste, Lauten, Liquisa, Manatutu, Manufahi, no RAEOA.
About Post Author
