Dili – Sekretáriu Jeral Federasaun Futeból Timor Leste (FFTL), Nélio Isac Sarmento konsidera dezentendementu entre match commisioner ho jornalista RRTL.ep, iha jogu final kopa FFTL, Lalenok kontra AD.SLB Laulara iha Gleno hanesan buat ki’ik oan ida, tanba tuir loloos parte rua halo liña kordenasaun ba malu hodi solusiona dezentendementu hirak ne’e.
Tuir Nélio iha nia konfrénsia inprensa katak, nia agradese ba preokupasaun no mós hanoin di’ak husi Asosiasaun Jornalista Desportu Timor Leste (AJORTIL), hakrak halakon tiha sala ne’ebé mosu iha Gleno, tanba dezentendementu entre jornalista ho match commisioner hanesan bua k’ik ida, maibé falla iha liña kordenasaun malu hodi hetan falansu hirak ne’e.
“Hau ne’e hanesan sala ki’ik oan ida, tanba iha situasaun ida apertadu sempre iha emosaun ida, ne’ebé loloos ne’e ita kolia ba malu ho di’ak, buat ne’e la akontese”. Hateten Nélio iha konfrénsia imprensa iha FFTL, Kinta (29/10/2020).
Nue’e mós sekretariu Jersal FFTL ne’e mós esplika, sira halo preparasaun ba jogu hotu tuir manuál operasaun jogu ninian, ne’ebé atu kria mós kondisaun ba media sira, maibé tanba kondisaun stadium iha TL seidauk tuir padraun internasionál, tanba ne’e mak la’o tuir saida mak iha ona.
“Ami lao tuir saida mak prepara, media nia fatin iha ne’ebé, adeptus sira nia fatin iha ne’ebé, soke stadiun Gleno mak labele akumula ema barak, entaun adeptus mós okupa hotu fatin VIP sira ne’e”. Dehan nia.
Nune’e mós match commicioner, Gelasio da Silva atual diretor kompetisaun kopa FFTL mós hatutan, bainhira orienta jogo final kopa FFTL iha Gleno, la’os hanesan diretor, maibé asume knaár nu’udar match commisioner hanesan knaár bot ida atu iha responsabilidade tomak perante iha jogu la’o iha stadium.
“Match commisioner ne’e mak atu termina jogu la’o ka lae, se bainhira hau hetan konsulta husi árbitu no segurasa katak joga labele joga, ne’e responsabilidade hau nian”.
Tanba ne’e, iha konfrénsia imprensa ne’e remata, parte jornalista Victor da Costa Madeira (Viky) ho Match commisioner Gelasio da Silva, kaer liman kedas malu hodi hamnasa ba malu iha FFTL. (Vidal)
About Post Author
