Dili- Governu, liu husi Sekretáriu Estadu Juventude no Desportu (SEJD), hili atividade festival “From Cayman to Caiman”, iha ámbitu setór saúde, físiku no desportu, hodi komemora relasaun bilateral Cuba ho Timor Leste ba dala 20.
Iha entrevista, Sekretáriu Estadu Juventude no Desportu, Abrão Nokosiko Saldanha afirma, atividade Lafaek ba Lafaek ka “From Cayman to Cayman”, nia intensaun laos buka prestasaun, no se mak atu sai kampeonatu iha eventu ne’e, maibé hanesan parte promosaun ida ba moris saudavél ema hotu nian, liu husi atividade físiku no desportu.
“Ita hatene katak, koperasaun ho estadu Cuba, maka’as liu area saúde. Tanba ne’e la’os atu hare de’it parte saúde ninian, maibé hare mós área desportu, tanba setór rua ne’e iha ligasaun ba malu, atu hadi’ak ema nia saúde, liu husi atividade desportu no físiku sira”. Haktuir Abrão iha resintu SEJD-Licidere, Sabádu (16/07).
Governante ne’e hateten, nia parte haruka ona rezolusaun ida ba konsellu ministru atu aprova, nune’e ema hotu bele prátika atividade físiku iha fatin públiku sira ne’ebé estabelese ba.
Iha fatin hanesan, Ministra Saúde Odete Maria Freitas Belo, apelu mós ba partisipante sira ne’ebé partisipa direta iha eventu ne’e katak, atividade desportiva ne’e importante tebes atu salva ema nia saúde husi moras, naun kontisiojas.
Ita hare moras não kontisiozas ne’e, áas tebes, ne’ebé kontribui husi hipertensaun, atakasaun fuan, no mós stroc hodi halo ema barak mate. Dehan ministra.
Nia mós husu ba labarik, no joven sira ne’ebé hala’o atividade desportivu, no físiku atu hapara fuma no lá bele hemu alkohol, nune’e labele fó impaktu ba saúde.
Enkuantu festival ne’e, kompostu husi atividade halai Ciklismo husi parte diresaun motael, to’o Plaza, hafoin fó volta fila husi diresaun mai palásiu presidensiál, Colmera, Bidau, ponte Habibi no remata iha resintu SEJD-Licidere.
Nune’e mós representante klube balun husi organizasaun sira hanesan, IKS-PTL, PSHT, Kork, hodi hatudu sira ida-idak nia atrasaun, no inklui hala’o jogu sira hanesan Chadres, futsál, halai Karól, no mós halo testes tensaun ba pesoál sira. Eventu refere hetan siguransa másimu husi PNTL trânsitu sira.
About Post Author
