DILI-Federasaun Desportu Akademiku Timor Leste (FDATL) hasoru malu ho Sekretario Estadu Juventude no Desprotu (SEJD) hodi koalia kona-ba Timor Leste nia preparasaun ba eventu Asia University Games ne’ebé sei hala’o iha Thayland fulan Julho tinan ne’e.
Prezidenti FDATL Zeferinu Viegas Tilman hatete, ohin estrutura FDATL mai halo sorumutu ho Sekretario Estadu Juventude no Desportu Abrão Saldanha ho nia ekipa atu hare preparasaun Timor Leste nian ba iha eventu Asia University Games.
“ohin ami konsege deskuti hare posibilidade oinsa mak Timor Leste nia atleta sira ne’ebé mak selesionadu atu partisipa iha Asia University Games ne’e prepara ho maximu hodi compete karik bele lori resultadu fila mai TL” tenik Zeferinu ba jornalista sira iha SEJD kinta (17/02)
Nia sublina, ohin presaun husi governu liu husi SEJD injeral apresia ba servisu FDATL nian, tanbá ami konsege aprezenta dadus importante balun ne’ebé mak liga ho atleta sira ne’ebé atu partisipa iha Asia University Games.
Sekretario Estadu mos iha ona missaun kona-ba oinsa mak atu halo buat ruma, tanbá ne’e SEJD hato’o mai FDATL atu halo ezersio interna federasaun nian hodi bele posiblidade oinsa mak Timor Leste bele partisipa hodi compete bele lori resultadu fila mai ho ita nia limitasaun orsamentu.
“total atleta tuir planu ne’ebé mak ohin ami aprezenta hamutuk 41 atleta, husi total ne’e Fútebol 19, Taikwondo 6, Atletismu 6, Xadres 6 no Volly prya 4”nia afirma
Kona-ba preparasaun ita sei hahu iha fulan Fevereiru, maibé posibilidade sei hahu iha inisiu fulan Marsu to iha fulan Junho no atleta sira sei tama iha Kazerna molok aranka ba iha Thaylandia iha loron 21 fulan Jullho tinan ne’e.
Zeferinu haktuir, orsamentu ba preparasaun hamutuk Trinta Nove Mil Trezentus Noventa e Nove dolar, maibé orsamentu refere seidauk ezekuta tanbá hein autorizsaun husi SEJD.
Sorin seluk Sekretario Estadu Juventude no Desportu Abrão Saldanha informa, ohin sorumutu ho FDATL ne’e, sira mai aprezenta nia planu no asaun annual tinan ida ne’e nian no mos apdate kona-ba preparasaun atleta sira nian ba iha Asia University Games tinan ne’e.
Governu simu sira nia informasaun sira ne’e hotu no ami mos hamutuk ho sira oinsa mak buka dalan atu lori Timor Leste ba partisipa iha eventu refere.
“hau ohin informa ba sira katak, orsamentu foin lalais ami propoin ba Ministeriu Finansas iha tinan kotuk lakonsege apoiu, maibé iha orsamentu balun ne’ebé mak bele ajuda maibé persiza halo ezerso interna Federasaun ho governu”
Governante ne’e afirma, FDATL lori ona sira nia proposta mai hodi husu orsamentu partisipasaun hamutuk 280 mil, maibé teknika federasaun nian ho parte SEJD sei tur hamutuk fali hodi kakula fali kustu sira ne’e, tanbá atleta selesaun sira ne’e maioria atleta ne’ebé atu partisipa iha Sea Games.
About Post Author
