DILI-(Desportu XYZ) Atleta husi Federaasaun Boxing Amadora Timor-Leste Boxista,Delio Anzaqeci Mouzinho triste tanba modalidade Boxing diskualifika iha Asian Games 2023 iha sidade Hangzhou China tanba tarde tuir Teknikal Meeting.
“Ami sa’i husi Timor Leste iha loron 21 fulan Setembro tinan ne’e,tanba ami rona hosi CDTL ho federasaun dehan, maibe dada rifa ne’e ami la hatene, ami to’o iha ne’e mak foin hatene boxing dada rifa hotu ona ne’e mak ami agora la joga ona sala ne’e husi ne’ebe mak sala ami seidauk hatene” dehan Delio bá jornalista liu husi Via Whatsaap domingu ne’e.
Delio haktuir, dada sorteu ba modalidade Boxing nian ne’e iha loron 22 fulan Setembru dader no sira to’o iha kalan jam 12 iha loron 23.
“Ami nain 4 sente triste tebes tanba ami mai ho misaun ne’ebe mak reprezenta Timor Leste atu mai tuir eventu internasional ne’e, maibé ami mai tarde ne’e ami sente triste tebes” afirma Delio.
Nia husu ba povu doben Timor Leste iha situasaun ne’e ita hotu triste, maibé ita tenke simu ho fuan boot tanba ne’e mak realidade
Federasaun Boxing rasik hala’o perparasaun durante fulan 4 molok kompete iha eventu refere.
Tanba ne’e ha’u konsidera ne’e failansu hosi komisaun ho federasaun tanba sira la husu data ne’ebé mak dada sorteu depois ami mai tarde ne’e
“Ha’u husu ba govenu liu hosi Ministeru Joventude Despotu Arte no Kultura (MJDAK) atu Haree ema ne’ebé mak iha koñesementu lingua barak tenke servisu makas ho fuan atu nune’e iha futuru atu labele akontese tan problema hanesan ne’e.”
Entertantu, Informasaun ne’ebé mak modalidade Boxing rona husi CDTL katak Boxing aranka iha loron 21 fulan Setembru tinan ne’e.
About Post Author
