DILI – Jogador ekipa segundu divizaun Nagardjo lakon iha estamina halo sira tenki deskansa sedu iha taxa 12 Novembro tinan ne’e hafoin hetan derota 0-5 kontra Lalenok United.
Tuir treinador Nagardjo Miguel Soares hatete derota boot ne’ebé mak hetan husi Lalenok tanbà ami nia preparasun minimu tebes kompara ho ekipa adversariu sira nia preparasun.
“Hau apresia jogador Nagardjo hatudu jogu diak iha primeira parte, mabè problema iha segunda parte sira nia estamina monu” deklara Miguel ba jornalista sira iha Estadiun Munisipal Dili, Sesta (13/11)
Nia informa jogu primeira parte ami mos iha opurtunidade tolu atu marka golu maibè liña avansadu mak seidauk hatudu mentalidade diak.
Antes ne’e hau esplika ona ba jogador sira katak kuandu ita hasoru ekipa forte tenki hatama uluk golu, atu nune’e bele hamonu sira nia mentalidade.
Maibè hanesan treinador fo parabéns ba hau nia jogador hotu, maske derota hatudu nafatin esperitu jogu hodi kontinua treinu makas atu nune’e hein fali jogu tuir mai. (Eug).
About Post Author
