Dili-Sekretariu Jerál klube Ad SLB Laulara Domingos Caeiro senti Tresti wainhira rona prezidenti Liga Futebol Timor Leste (LFTL) Nilton Gusmao ne’ebé mak Paixaun tebes bá Futebol hato’o nia karta resignasaun bá iha prezidenti Asembleia jerál LFTL.
“Hanesan ema ida ne’ebé serbisu hamutuk ho Nilton Gusmao tinan hirak liua bá hahú Liga Futebol Amadora LFA no tama mai LFTL,pesoal ha’u Tresti tanba dezisaun ne’e halo ema barak hakfodak”tenik Caeiro bá Desportu XYZ liu husi Via Whatsaap kuarta (21/09)
Tuir nia,Nilton ema ida ne’ebé iha Paixaun bo’ot bá Futebol i nia hatudu esperitu ne’e desde hahú LFA to’o ohin loron nia Resigna-an.
Maibé ne’e dezisaun ne’ebé nia foti ita labele obriga atu nia asume kargu ne’e.
“Problema mak ne’e atu hetan ema di’ak ida hanesan Nilton Gusmao ne’e susar,maske ema barak iha kapasidade,maibé atu apoiu lakunas bá atividade sira ne’e ha’u hare todan oituan”dehan Domingos
Nia sublina,inpaktu bo’ot bá Liga,ha’u hanoin laiha,maibé dezafiu foun bele mosu tanba liga atu la’o di’ak depende bá apoiu klube sira no Federasaun Futebol Timor Leste (FFTL) ne’ebé hanesan mahon bá Futebol.
“Ha’u mós rona katak,ema balun rona Nilton Resigna-an,sira prontu aprezenta Patrosinador ida atu apoiu liga ne’e,sei karik ida ne’e mak akontese supreza bo’ot ida”
Entertantu, prezidenti LFTL Nilton Gusmao submete nia karta resignasaun bá prezidenti Asembleia jerál LFTL iha loron 15 fulan Setembru 2022.
Enkuantu, prezidenti Asembleia jerál LFTL Miguel Manetelu ho nia Vice Osorio Florindo no Sekretario António Cepeda sei hala’o inkontru iha loron 22 fulan Setembru 2022 hodi hatene lolos dezisaun resignasaun tuir estatutu LFTL.
About Post Author
