Dili-iha loron 19 fulan Setembru tinan ne’e governu liu husi Sekretáriu Estadu Juventude no Desportu (SEJD) Abrao Saldanha Saldanha abertura jogu Centru Trenamentu Futebol Juvinil Sub 16 Cup no Festival sub 12 2022.
“Futebol hanesan eskola ida,tanba ita eskola iha Ezame,entaun Kompitisaun Futebol ne’e hanesan Ezame ida tan tanba durante fulan hirak imi trenu ne’e agora imi Ezame atu pasa bá etapa tuir mai” afirma SEJD Abrao bá jornalista sira iha kampu demokrásia segunda ne’e.
Nia dehan, governu liu husi SEJD agora hakarak fó periudade bá juvenil i serbisu hamutuk ho Federasaun Futebol Timor Leste FFTL atu hari akademia Futebol iha fatin, maibé neneik sei harii hotu iha Timor laran tomak.
“Iha Sentru akademia ona ne’e la’ós trenu de’it Futebol, maibé trenu mós buat seluk iha ne’ebá atu nune’e bele hetan jogador selesaun nasionál diak” tenik Abrao
Nia sublina, ami nia hakarak estamula atividade sira hanesan ne’e tanba tinan oin sei iha Copa bá sub 16 atu bele hetan jogador barak liu tan.
Governante ne’e hatutan, atu fó hatene de’it katak, ha’u simu ona surat ida husi Corea atu halo asrama iha Becora i hahú tinan ne’e no remata iha 2024.
Tanba ne’e ita boot sira hetan jogador di’ak iha Kompitisaun sira ne’e,trenador sira lori imi bá tama asrama iha Becora.
Entertantu, ekipa ne’ebé mak Partesipa iha eventu refere,kompostu husi ekipa Festival sub 12 hamutuk 6 no ekipa sub 16 hamutuk 9.
About Post Author
