DILI – Ekipa futeból feto FC SAMUSER ho susesu manan segundu jogu iha Liga Feto Timor-Leste 6-0 hasoru ekipa reprezentante Munisipiu Baukau.
“Ha’u kontente tanba manan. Kontente maibé labele demais, tanba ne’e joga liga ba oin,” deklara Dolores hafoin remata marka hatrick hasoru Asosiasaun Baukau, iha kampu FFTL, Sábadu (11/07).
Nia dehan, kompetisaun futebol ne’ebé sira partisiupa iha nivel liga, tanba ne’e jogu ida la’ós ho durasaun tempu badak.
Vitoria Ne’e hanesan motivasaun ba SAMUSER ba oin tenke iha preparasaun di’ak hodi hasoru mellor ekipa sira tuir mai.
Tuir Dolores, Ekipa Baukau nudar ekipa fo’un no foin maka tun iha jogu dahuluk nune’e nia konsidera forsa ekipa feto baukau sei iha estandarte de’it.
Ba oras ne’e, iha ekipa forte barak maka SAMUSER tenke hasoru.“Ami tenke treinu maka’as,” tebik Dolores hodi dehan jogu tuir mai ninia ekipa koko atu joga ho sistema no kria jogu ekipa nakonu ho jogu espíritu.
Rezultadu jogu iha sábadu dadeer tuku hitu ne’e Asosiasaun Futeból Baukau no nein hamosu golu ida ba adversáriu.
Hosi ekipa SAMUSER maka festa golu, golu rua hosi Sonia Soares da Costa iha minutu (6,11) golu tolu hosi kapitaun, Dolores V da Silva Costa (iha minutu 15,32,39) no golu ikus liu adisiona hosi Tania M F soares iha minutu 56. (ato)
About Post Author
