Bobonaru (Desportu XYZ) Bupati Belu Nusa Tenggara Timur (NTT) Republika Indonesia, Agustinus Taolin hamutuk ho delegasaun sira Belu, Malaka, Kefa no Kota Madia Kupang Indonesia to’o ona Genajio Munisípiu Bobonaru hodi harame festival Fronteira 2023.
delegasaun sira to’o iha Balibo iha tuku 11 : 30 OTL no simu lia dadolin husi lia nain kulturál Munisípiu Bobonaru no mós dansa kultural i lansu dereita husi Sekretáriu Estadu Arte no Kultura ( SEAK) Jorge Soares Cristuvao no Deritor Centru Nasionál Chega (CNC) Hugu Maria Fernandes.
No delegasaun husi NTT ne’e mós Partesipa iha inagurasaun Monomentu Liberdade iha postu administrativu Balibó molok hakat bá Genajio Maliana hodi Partesipa iha eventu Festival Fronteira 2023.
“Ohin loron ne’e ita atu partisipa iha eventu Festival Fronteira 2023 interkambiu kultural ba hametin rekonsiliasaun”afirma Bupate NTT iha nia deskursus iha Inagurasaun Monomentu Liberdade Balibó kuartu (15/11).
Ho eventu ne’e halo ita Hasoru malu fo neon ba malu fo laran ba malu hodi hadia ita nia relasaun entre rai rua.
“Ita ne’e familia tanba ne’e mak ami orgullu lori Ami nia ekipa dancer ho seluk tan atu harame eventu ne’e” afirma nia
sira mos koalia ona Espera ho atividade sira hanesan ne’e ba futuru sei halo iha Mota-Ain ne’eba.
Sekretariu Estadu Arte no Kultura, Joge Soares Cristovao, informa Delegasaun ne’ebé mak iha dansa kultura ba dansa kotepora nian loron rua liu ba mai hosi kabupaten Belu, Malaka, Kota Madia Kupang sira treinu hamutuk.
eventu ida ne’e ita iha art performance, ho feira aleinde ida ne’e ita mos sei iha seminariu ka kolokiu Kultura oinsa mak atu hametin relasaun amizade fraternidade hametin ita nia rekonsiliasaun hosi komunidade iha area Fronteira ho nasaun Timor Leste ho nasaun Indonesia.
Sikun seluk Deritor Centru Nasionál Chega CNC,Hugu Maria Fernandes,haktuir Serimonia ida ne’e laos abertura ba Festival Fronteira 2023 maibe ita inagura monumentu liberdade no simu mos administrador ho delegasaun husi Belu, Kupang no Malaka Nusa Tenggara Timur, Indonesia ho serimonia kultural atu simu matak malirin husi lia nain sira para saúde diak partisipa festival ne’e
“Monumentu liberdade Balibo tanba ida ne’e simboliza Timor-Leste nia liberdade, Balibo nu’udar area dahuluk ba militar Indonesia hakat iha 1975”
About Post Author
