DILI-Confederaçao Desporto Timor-Leste (CDTL) husu ba dozan Taekwondo ho klube sira ne’ebé mak mahon ba Asosiasaun Profesional Taekwondo Timor Leste (APTTL) tenki hakbesik ba Federasaun Taekwondo Timor Leste (FTTL) atu nune’e bele hetan selesaun nasional hodi reprezenta TL iha eventu internasional.
Vice prezidenti CDTL Zeferinu Viegas Tilman hato’o lia hira ne’e ba jornalista sira, hafoin sai mediador ba problema APTTL ho FTTL iha salaun CDTL Dili kinta ne’e.
“CDTL ohin konsege halo mediasaun kuaze intendimentu diak entre parte rua tanba ne’e ami iha opsaun ba sira, karik dozan ka klube Taekwondo sira ne’ebe mak daudaun ne’e iha APTTL nia mahon tenki hakbesik mai federasaun hodi bele hola parte iha prosesu hirak ne’ebe mak liga ho selesaun nasional hodi bele hetan oportunidade selesionadu bele reprezenta Timor-Leste iha eventu internasional”
karik sira bele halo asembleia extraordinariu, no iha sira nia asembleia jeral nian hodi bele ajusta estatutu ne’e hafoin mak sira enkaixa APTTL iha sira nia estatutu para bele rekonese ezistensia APTTL iha FTTL
Vise-prezidente hatutan, sira hakarak sai mediador tanba nu’udar mahon federasaun sira hotu ne’ebe halo ona tipu enkontru ho sira ketak- ketak iha tempu hirak ba kotuk hafoin ida ne’e hahu mos ba informasaun ne’ebe mak sira simu ona organiza sorumutu ida ohin hodi envolve sira para rezovelve sira nia probema ne’ebe durante sira enfrenta hela.
maibé ohin iha dezentendimentu iha enkontru maibe ne’e normal no biban ida ne’e CDTL fo tempu sira bele buka malu tur hamutuk depois ho intensaun diak ruma mai iha CDTL para halo desizaun final iha CDTL ba problema ne’ebe sira enfrenta hela.
Iha sorin seluk prezidente FFTL Gabriel da Costa hatete, Agradese wa’in tebes ba CDTL liu husi sorumutu ne’e tanbá hetan konvite husi CDTL buka dalan atu koalia ho federasaun Taekwondo Timor-Leste tanba durante publiku hotu hatene iha 2020 ne’ebe sira federasaun mantein pozisaun nafatin tuir estatutu no rejimentu federasaun nian no nakoke simu APTTL hodi tau tau prioridade para atleta sira partisipa eventu internasional tuir mai
“Agradese wa’in tebes ba CDTL liu husi sorumutu ne’e tanba hetan konvite husi CDTL buka dalan atu koalia ho FTTL tanba durante publiku hotu hatene iha 2020 federasaun halo asembleia jeral depois iha ne’eba estrutura foun hetan ona eleitu depois membru senior sira husi ne’eba ba halo fali Asosiasaun Profisional Taekwondo Timor-Leste (APTTL)
tan ne’e publiku haree, ne’ebe CDTL iha insiativa para bolu ami mai tur hamutuk para buka solusaun atu rezolve situasaun ne’ebe Taekwondo enfrenta hela.
Nia sublina, husi federasaun mantein pozisaun nafatin katak tuir estatutu no rejimentu federasaun nian ne’ebe husi dozan ka klube parte APTTL la’o nafatin atividade karik hakarak mai hamutuk ho federasaun, ami loke liman no ami sei konsidera nafatin para atu simu sira iha federasaun nia okos no tau prioridade para atleta sira partisipa eventu internasional tuir mai.
“ohin sorumutu ne’e federasaun ne’e ida deit se atleta se mak reprezenta Timor-Leste ba jogu internasional so husi federasaun tanba ne’e atleta dozan sira iha APTTL submete mai iha federasaun sei konsidera sira hodi prepara sira sai atleta nasional ba eventu internasional no mos iha diskusaun oituan kona ba situasaun sira ne’e no hein katak ideia ka rekomendasaun sira mak federasaun fo ne’e sira fila ba uma hodi hanoin”
no dozan ka klube husi APTTL hakarak mai iha federasaun, iha kualker tempu federasaun hein no nakloke hodi simu sira.
Iha sorin seluk prezidente APTTL Angelo Neves dehan, sorumutu ohin ne’e CDTL ho sira bele hasoru hodi buka solusaun maski federasaun mantein pozisaun katak sira la rekonese APTTL maibe nu’udar membru Taekwondo sira rekonese.
sorumutu ne’e CDTL bele hasoru malu entre APTTL ho Federasaun maski Federasaun mantein pozisaun katak sira la rekonese APTTL maibe nu’udar membru Taekwondo sira rekonese iha ona solusaun maski seidauk final tanba ne’e ba futuru atleta ne’ebe iha APTTL mos iha kapasidade no kunesimentu diak.
“ho prestasaun ida ne’e atleta sira mos iha direitu partisipa eventu internasional sira no ami koalia hotu buat sira ne’e iha sorumutu ne’e” Angelo hateten
Nia esplika, solusaun ne’e seidauk hetan rezultadu diak tanba dozan ka klube ne’ebe mak atleta treinu ba ne’e mahon iha APTTL tenki submete ba federasaun ho ida ne’e mak seidauk iha solusaun final.
tanba klube sira ne’e federasaun fo ona suspensaun iha tinan hirak liu ba, oinsa atu fila fali mai bainhira suspende ona ba tinan lima maibe atleta la iha suspensaun ne’ebe atleta bele submete ba federasaun hodi lori nasaun RDTL nia naran ne’ebe sai hanesan mos interese nasaun oinsa para lori atleta barak para bele hetan medalla ne’e depende ba esperensia no sira nia atividade la’o hela.
maski APTTL hamriik estatutu federasaun la regula maibe hetan ona legalidade husi SEJD, KRAM notariadu miniteriu justisa iha fulan ida liu ba no mos antes mosu ona iha jornal da republika maibe federasaun la iha reklamasaun entaun notariadu homologa sira nia estatutu hetan ona legalidade hanesan mos ho federasaun.
problema mak APTTL seidauk ajusta iha estatutu federasaun nian no klube sira ne’e federsaun fo ona suspensaun iha tinan hirak liu ba dojan no klube sira oinsa atu fila fali mai tanba suspende ona ba tinan lima no federasaun mantein pozisaun katak sira la rekonese APTTL.
About Post Author
 husu ba dozan Taekwondo ho klube sira ne’ebé mak mahon ba Asosiasaun Profesional Taekwondo Timor Leste (APTTL) tenki hakbesik ba Federasaun Taekwondo Timor Leste (FTTL) atu nune’e bele hetan selesaun nasional hodi reprezenta TL iha eventu internasional.){kind=link}