Presidente Halterofelismu Timor Leste, Vicente de Carvalho informa, atividade kampeonatu nasional ba tinan ne’e, dalaruma sei la akontese tanba ho situasaun Covid-19, maibé atleta Halterofelismu sira kontinua prepara hodi partisipa kompetisaun internasional iha Vietnam tinan ne’e.
Maibé tuir Presidente ne’e katak, sei hein orsamentu husi governu, nune’e sira nia parte mós seidauk iha enkontru ruma ho SEJD atu deside modalidade hirak mak atu partisipa.
“Ita prepara hela atu partisipa iha atividade rua, tanba iha tinan ne’e mos iha BoldBuilding, ne’e foin primera vez ita partisipa iha Sea Games, ne’ebé sei hala’o iha Vietnam, hahú iha loron 2 fulan Novembru to’o Dezembru, maibé hare mos ba situasaun Covid-19”.
Lia hirak ne’e hato’o husi Presidente Atleta Halterofelismu TL, iha nia knar Fatin, Caicoli-Quinta (18/02/2021)
Tanba ne’e nia relata tan, maske ita iha hela Covid-19, hodi halo atividade hotu paradu, maibé atleta sira kontinua treinu.
Entretantu, ba tinan ne’e mos atividade kampeonatu nasional dala ruma la iha tanba situasaun Covid-19.
Daudaun ne’e Assosiasaun Halterofelismu estabelese ona iha munisipiu balun hanesan Aileu, Ermera, Dili, tan ne’e ba oin hanoin atu apoiu tan ekipamentus balun, ne’ebé hetan apoiu husi China ba Assosiasaun sira. (Vidal)
About Post Author
