Dili – Presidente Assalam Fc Hipolio Soares, promete jogu dahuluk kontra Boavista Fc de Timor, tenki halakon nia adversáriu mais ou menus golu ida ka rua, iha jogu taxa 12 de Novembru, hodi hakat tan ba faze tuir mai.
Tuir Hipolio katak, iha esperansa bót nia ekipa sei hakat to’o faze finais, ho nia jogadór sira nia performance, tanba antes ne’e iha jogu sira liu ba, nia ekipa sempre hakat to’o faze finál, maske la konsege sai kampeaun, maibé iha jogu taxa 12 de Novembru tunan ne’e, sira sei hakat dala ida iha faze finál, hodi hadau malu tan.
“Ami garante másimu, bainhira manan Boavista, ho golu ida ka rua, ho konfiansa maka’as ba hau nia jogadór sira, tanba daudaun ne’e sira preparadu tebes atu hasoru ekipa ne’ebé de’it, no jogu tuir mai sei halo preparasaun ida másimu hodi hasoru mós Lalenok United Fc”.
Nia promete, hafoin nia ekipa hahú hala’o jogu tray out kontra ekipa DIT iha kampu DIT nian iha Manleuana-Kuarta (11/11/2020).
Maibé, presidente Assalam ne’e rekoñese, jogadór Boavista mós joga di’ak no preparadu, tanba ne’e nafatin halo preparasaun ho másimu hodi hasoru sira iha jogu dahuluk ne’e.
Nia informa, daudaun ne’e iha jogadór foun lubuk ida mak haforsa hela nia ekipa hodi hasoru jogu taxa 12 de Novembru tinan ne’e.
“Jogadór foun sira ne’e mak baliza (Memo) no iha parte liña esquerda, no mediu nian, mais ou menus iha jogadór neen ka hitu mak haforsa tan ami nia ekipa, tanba antes ne’e ami nia jogadór menus, maibé bele lori ekipa hakat to’o faze finál. (Vidal).
About Post Author
