Dili-(Desportu XYZ) Federaasaun Silat Timor Leste FESTIL liu husi Asosiasaun Silat Pedjadjaran Nasionál Timor Leste ASPN realiza Formasaun bá trenador no Arbitrazen durante durante tolu hodi perpara bá kampionatu nasionál ne’ebé mak sei realiza iha fulan Novembru tinan ne’e.
Formasaun ne’e Abertura husi Presidente Komisaun Regulador Arte Marsiais KRAM Octavio da Concensao iha sede ASPN Aimutin Dili sesta feira ne’e.
Sekretáriu Jerál interinu ASPN Teotinu Pintu haktuir, perparasaun atu realiza formasaun bá trenador no Arbitrazen sira ne’e,ita serbisu lubuk ida hahu husi fulan Abríl to’o Ohin loron tanba ita haruka karta bá kordenador ASPN Munisípiu sira.
“Objetivu prinsipál bá formasaun ne’e mak atu hetan trenador di’ak hodi responde bá kampionatu nasionál ne’ebé mak tuir planu sei realiza iha fulan Novembru tinan ne’e”afirma Teotinu bá jornalista sira iha Aimutin sesta (15/09)
Sekretáriu Jerál ne’e afirma, objetivu bá Arbitrazen mós hanesan, ita perpara ita nia Arbitrazen wainhira realiza kampionatu nasionál Sira iha ona koñesementu hodi foti desizaun tanba kampionatu lidera husi Arbitrazen.
“Antes ita realiza formasaun,ita haruka karta bá kordenador ASPN Munisípiu 13 la inklui RAOEA hodi haruka sira nia ema nain 4 no nain 2 bá trenador no mós nain 2 bá Arbitrazen”nia sublina
Totál ema hamutuk 65 mak tuir formasaun refere no formasaun ne’e ho nia durasaun loron tolu.
Kona-ba orsamentu ita simu husi Komisaun Regulador Arte Marsiais KRAM hamutuk 10 mil.husi orsamentu ne’e ita fahe bá parte tolu mak hanesan,ida funsionamentu sekretáriadu,rua fó formasaun,no ikus liu mak kampionatu nasionál.
Nia haktuir, kampionatu nasionál ita sei hein husi orsamentu 60% mai husi KRAM ita foin realiza.
Fatin Hanesan, Prezidenti KRAM Octavio da Concensao hateten,governu liu husi Menisteriu Juventude Desportu Arte e Cultura MJDAC liu husi KRAM desde fulan Marsu liu bá atribui apoiu finanseru bá organizasaun Arte Marsiais hotu ne’ebé mak hamahan A’an iha FESTIL atu hala’o sira nia formasaun sira tuir segundu dereitiva KRAM ne’ebé mak públika iha 2022 hodi nune’e prátika arte Marsiais hotu ho estrutura sira bele implementa oinsá Kria kondisaun bá trenador sira.
“Kada tinan ita apoiu orsamentu ne’ebé Parlamentu Nasionál aprova iha 2022 ne’e hamutuk 2.5 miloens hodi perpara bá tinan 4″Octavio afirma
Orsamentu ne’e ita fahe oituan-oituan hodi to’o tinan 4 atu asegura sira nia perparasaun liuliu ASPN tanba Federaasaun Silat Timor Leste nia ranting iha Timor hamutuk 98.
Lideransa KRAM ne’e hato’o menjajen bá Organizasaun Arte Marsiais sira hotu tenki kumpri segundu dereitiva KRAM hodi nune’e ita bele hatur ita nia pensamentu bá konstrusaun modalidade Desportu nu’udar Desportu ida.
Entertantu,tuir planu Federaasaun Silat Timor Leste FESTIL sei realiza kampionatu nasionál bá Organizasaun Arte Marsiais ne’ebé mak hamahan A’an iha FESTIL mak hanesan, Persaudaran Setia Hati PSHT,Ikanta Kera Sakti IKS, Pedjadjaran,KORK no sira seluk tan.
About Post Author
