DTL (20/07/2020) – Sekretáriu Jerál AS Ponta-Leste hala’o ona rejistrasaun direta no entrega dokumentu ba Komisaun Rejistrasaun ba Kopa FFTL 2020, iha edifísiu Federasaun Futeból Timor-Leste, sesta foin-lalais (17/07).
Sekretáriu Jerál AS Ponta-Leste Gregório Correia haktuir, maski durante ne’e iha situasaun Covid19 nia laran, maibé Ponta Leste prontu tuir Kopa FFTL, tan ne’e Klubu AS Ponta-Leste, ohin halo ona rejistrasaun direita hodi partisipa iha torneiu ne’e.
“Durante ita iha situasaun Covid19 nia laran, preparadu ka la preparadu, ami Klubu AS Ponta-Leste iha dever hodi kumpre, atu tuir Jogu ne’ebé iha tuir saida mak Federasaun iha,” deklara ofisial Ponta Leste ne’e.
Tanba bola nia hun mak Federasaun Futeból Timor-Leste, ho ida ne’e mak klubu mai hala’o ona rejistrasaun direita atu tuir Kopa ne’e, no Jogador husi AS Ponta-Leste hamutuk ruanulu(20), husi total ruanulu ne’e ami foti husi joven ho idade 19 ba leten no husi sira ne’e mesak foun de’it, no iha de’it na’in tolu mak tuan inklui kapituan AS Ponta-Leste nian”, dehan Grigorio Correia.
Liuhusi Prosesu rejistrasaun ne’ebé iha, klubu AS Ponta-Leste prepara ona hodi tuir Kopa FFTL ne’ebé sei realiza iha 20 Agostu tinan ida ne’e. (Desportu Timor-Leste).
About Post Author
