DILI-Asosiasaun Freestyle Motor Timor Leste (AFM-TL), realiza kompetisaun freestyle motor ba motorciklismo sira ne’ebé lori kapasidade motor ho nia cc 150 to’o 125, iha klase metik nia kompostu husi motor 113 CC bele to’o mos 150 CC ba joven sira ne’ebé iha skill ba freestyle motor ne’e rasik.
Objetivu husi ativdade ne’e atu komemora loron proklamasaun 28 Novembru, no atu promove talentu joven sira nian.
“Atividade ne’e kompostu husi kalse 3 mak hanesan, klase Sport, Metin no kolaborasaun,husi klase sport kompostu husi motor 150 CC no 125 CC, iha klase metin nia kompostu husi motor 113 CC bele too mos 150 CC,klase kolaborasaun nee kolabora husi rider sira neebe husi klase diferensia, ezemplu husi klase sport no metin halo kolabora fali”. Hateten Komisaun Organizador, Fransisco ba jornalista sira iha Kampung Alor, Sesta (03/12/).
Tuir komisaun organizadora ne’e katak, atividade freestyle motor ne’e atu komemora loron independensia 28 Novembru. No mos hakarak promove juventude sira nia talentu liu husi kompetisaun freestyle motor nian.
Nia dehan, fundus hetan apoiu husi governu, liu husi Sekretaria Estadu Juventude Desportu (SEJD) no patrosinador husi kompanha balu, no mos husi seguransa inklui autoridade lokal sira.
Iha fatin hanesan Diretur Desportu Eskolar no Komunitaria, Joao Rodrigues hatete, iha ambitu komemorasaun 28 Novembru nian ba tinan ne’e prense ho atividade sira seluk, inklui frestyle neebe mak hetan apoiu husi Sekretaria Estadu Juventude Desportu.
Futuru kontinuasaun depende ba sira nia asosiasaun, husi parte estadu apoiu momentu hanesan ne’e, maibe sira mos hatudu buat ruma para dezenvolvimentu ne’e la’o ba oin. Nia hakotu.
About Post Author
.){kind=link}