Dili-Sekretariu Estadu Juventude no Desportu SEJD Abrao Saldanha afirma, Nilton Gusmao nia resignasaun husi kargu prezidenti Liga Futebol Timor Leste (LFTL) ne’e sei lalori inpaktu bá Liga Timorense iha tinan ne’e.
“Ha’u hetan ona surat kopia ida husi Nilton Gusmao kona-ba nia resignasaun husi prezidenti LFTL i ha’u hanoin sei la fó inpaktu bá Liga tanba orgaun Liga eziste tha ona” afirma Abrao bá jornalista, hafoin abertura jogu juvinil iha kampu demokrásia segunda (19/09)
Nia haktuir, ho razaun ne’ebé Nilton Gusmao aprezenta tanba nia laiha tempu atu didika A’an tomak bá Liga, entaun nia husu atu iha ema balun bele subtitui fali nia kargu.
“Orgaun Liga ne’e harii hanesan entidade privadu ida ne’ebé gosta goza dereitu personalidade juridiku bá sira nia asosiadu hili liu husi sira nia kongresu”
Governante sublina, ho problema ida ne’e depende bá prezidenti asembleia LFTL nian oinsá mak bele hetan fali prezidenti foun ida iha liga.
Parte governu ida ne’e hanesan dereitu esklusivu ema ida idak nian, ne’e duni kazu prezidenti Liga nian ne’e laiha forsa ida iha Timor atu husu nia tama fila fali ne’e dereitu privadu.
Nia komenta, ha’u hanoin laiha inplikasaun bá Liga tanba hare husi perparasaun ne’ebé mak iha no estrutura nafatin iha, maibé prezidenti de’it mak husu resignasaun.
About Post Author
