Bobonaru-(Desportu XYZ) Delegasaun husi Nusa Tengara Timur (NTT) Kupan Indonézia hamutuk 60,inklui Juventude 17 ne’e ne’ebé mak hatudu ona peforme dansa kulturál,dansa modernu no musika iha Festival Fronteira 2023 ne’ebé mak hala’o iha Munisípiu Bobonaru.
Xefe Delegasaun Kupan Mariano Mascarinhas, informa, Timor oan ne’ebé mak hela iha Kupan Indonézia halo nia perparasaun hodi Partesipa iha Festival Fronteira 2023 ho nia durasaun fulan ida.
“Elementu ne’ebé mak ami lori mai ne’e hamutuk 60,kompostu husi Juventude 17 no mós labarik kik oan sira inklui inan ho aman”afirma Delegasaun Kupan Mariano bá jornalista sira iha Zenajio Munisípal Maliana sesta (17/11)
Mariano haktuir, Juventude sira ne’e mai ho dansa,dansa kultural no múzika.
“Ami apresia tanba eventu ida ne’e foin premera ves tanba ne’e ho eventu Festival Fronteira tinan ne’e hodi halo ita haluha tha problema iha pasadu” nia afirma
“Wainhira ami sai hosi ne’ebá ba ha’u nia grupu ami kanta hosi Kupang to’o mai Maliana signifika ami apresia ami bele hola parte iha eventu ne’e
No segundu wainhira ami to’o iha Balibó ne’e ami haan hamutuk iha ne’ebá ho família sira simu ami ho di’ak.
Maske iha diferente ideas iha pasadu maibé família nafatin família no ita labele hamoris relasaun ne’e tan de’it diferensia ideolojia
Esperansa Timor oan ne’ebé mak iha Kupang no mos iha fatin sira seluk iha Indonézia ami nia esperansa mak pasu ne’ebé ohin loron ita hala’o tenke kontinua ba oin ba jerasaun foun sira iha futuru.
Entertantu,husi sira nia peforme ne’ebé mak hatudu iha Festival Fronteira 2023 ne’e hamutuk Juven 17,kompostu husi múzika nain 7 no dansa kultura,dansa modernu hamutuk nain 10.
About Post Author
