Maliana-(Despoortu XYZ) Ministériu Juventude Desportu Arte Kultura (MJDAC) kongratula autoridade ho povu munisipiu Bobonaro tanba bele sai uma nain ba Festival Fronteira 2023.
Festival ne’e ho nia tema interkambiu kulturál ba hametin rekonsiliasaun
Abertura Festival Fronteira 2023, husi Menisteriu Juventude Desportu Arte e Cultura ho Sekretariu Estadu Arte Kultura (SEAC) ho Centro Nacional Chega Institutu Publiku (CNC, IP) iha abertura eventu ne’e iha resintu jinajiu munispiu Bobonaro.
“Ohin kalan abertura Festival Fronteira 2023 Ha’u fó parabens ba prezidente autoridade no povu Bobonaro sai uma diak iha festival ida ne’e hodi hatudu ezemplu ba munisipiu sira seluk no hau lori governu nia naran hakarak agradese ba autoridade munisipiu Bobonaro hakas an atu koopera di’ak hodi realiza festival ida ne’e durante loron haat nune’e” afirma Menistru Juventude Desportu Arte e Cultura bá jornalista sira liu deskursus iha resintu Jenajio Maliana kuartu (15/11)
Maliana oan sira sei hatene istoria lolos husi matenek nain husi Timor-Leste ho NTT troka hanoin kona ba orijinalidade kultura ida ne’ebé hametin Timoroan iha rai ida ne’e.
Menistru dehan, programa ida ne’e importante atu hametin ligasaun entre ita husi nasaun RDTL ho Indonesia liuliu bá sira hela iha fronteira, bainhira ko’alia bá hametin relasaun konsiente katak rai ida ne’e iha nia tradisaun kultura rasik, Timor-Leste ho NTT iha multikultural, maibé diferente tanba tradisaun uniku nu’udar umanu sempre tane as ema duke buat sira seluk.
“ba povu Maliana sai uma nain ba Festival Fronteira 2023 nu’udar interkambiu kulturál ba hametin rekonsiliasaun, festival ida ne’e Maliana oan sira hatudu Timoroan tomak katak nu’udar umanu sempre respeita malu hodi paz no dame hodi simu maun alin sira husi NTT atu hamutuk nu’udar familia ida deit”nia sublina
festival ida ne’e oportunidade ba joven sira iha Maliana kunese diak liu tan relasaun Timor-Leste ho NTT atu nune’e aban bainrua sai jerasaun respeitu no hadomi malu hakribi violensia bele iha diferensia hanoin,maibe diak liu kadi ho kakutak duke uza fiziku “kekerasan” tanba tempu agora ida ne’e la iha fatin ba fatin hotu-hotu, Timoroan hatudu domin ho fuan ba mundu.
Sikun selul SEAC Jorge Cristovão, hatete, MJDAC ho SEAC hamutuk CNC, IP organiza Festival Fronteira 2023 iha Bobonaro hodi hametin relasaun kultural mai husi beiala sira
“MJDAC ho SEAC hamutuk CNC, IP, ita organiza Festival Fronteira 2023 iha Bobonaro hodi hametin relasaun kultural mai husi beiala sira nune’e ohin povu husi nasaun rua iha area fronteira mai hamutuk iha festival ida ne’e katak tempu funu la halakon identidade kultural dezde moris mai mundu ne’e”, nia afirma
Jorge haktuir, ko’alia kultural sei la iha fronteira tanba aproximasaun diplomatiku kultural sei fo vantajen ba povu nasaun rua moris iha fronteira, festival sai nu’udar eventu espesial nakonu ho amizade atu povu nasaun rua fahe tradisaun no kapasidade artistika nu’udar familia ida deit no eventu ida ne’e nu’udar programa esensial kria iha povu nasaun rua nia leet prezerva tradisaun kultural husi beiala sira, povu nasaun rua hamutuk iha espiritu rekonsiliasaun ho amizade nia laran kria istoria foun iha nasaun idak-idak nia pajina foun no hatudu oinsa kultura no arte halo hamutuk halakon diferensia politika no sosial
“Iha biban ne’e mos hau hakarak agradese involve ba realizasaun festival ne’e mak ministeriu turizmu ambiente, ministeriu administrasaun estatal, ministériu interior, ministériu obras publika, ministériu finansa, ministériu defeza, ministériu saúde, ministériu negosiu estranjeiru, konsuladu Timor-Leste iha Atambua ho Kupang durante halo kooperasaun ba realizasaun festival ne’e ho autoridade parte NTT nian”
Governante ne’e afirma, bá autoridade munisipiu Bobonaro ho povu Bobonaro komisaun organizador hato’o obrigadu wain ba kooperasaun hodi hala’o eventu ne’e hein kooperasaun kontinua bele realiza atividade sira seluk prezerva kultura iha fronteira.
diretor ezekutivu CNC, IP Hugo Maria Fernandes dehan, agradese ba SEAC nia disponibilidade bele realiza Festival Fronteira 2023 hamutuk ho CNC suporta husi MJDAC hodi promove kultura hametin rekonsiliasaun entre Timor-Leste ho NTT
“Hau fo Agradese ba SEAC nia disponibilidade bele realiza Festival Fronteira 2023 hamutuk ho CNC suporta husi MJDAC hodi promove kultura hametin rekonsiliasaun entre Timor-Leste ho NTT”
Nia reforsa tan, festival ne’e hamosu memoria no istoria foun mai husi relatoriu Chega ho komisaun habelun malu lia los entre Timor-Leste ho Indonesia, nune’e relatoriu rua ne’e aspetu kultura atu kontinua hametin relasaun entre nasaun rua ne’e tanba beiala nia tempu illa ida deit maibe iha 1999 halo markasaun politika entre republika Indonesia ho RDTL maibe markasaun politika ne’e laos satan ba habelun malu kesi fila fali tali husi beiala sira tanba lisan ho kultura la iha fronteira komesa husi agora kedas nasaun rua hamutuk kontinua ba tinan hira mai sei tau lisan ho kultura para haburas jerasaun foun sira iha futuru.
Entretantu partisipante sira partisipa iha abertura Festival Fronteira 2023 ne’e mak delegasaun husi Belu, Kupang, Kefa, Malaka hamutuk nain-300, komunidade munisipiu Bobonaro, membru governu sira, autoridade munisipiu Bobonaro no hetan seguransa masimu husi parte PNTL.
About Post Author
