Sekretariu Estadu Juventude no Desportu hatete, “protokolu ida ne’e marka pasu importante ida ba polítika lori desportu ba sosiedade atu haboot desportu iha baze, halo desportu sai kultura ida iha ita nia sosiedade no kontribui ba hadiak liu tan Timor-Leste nia prestasaun desportiva iha alta kompetisaun iha nivel nasional, rejional no internasional.”
Sekretariu Estadu Abrão Saldanha nia vizaun ba area desportu mak “DESPORTU IHA SOSIEDADE NO PRESTASAUN.” Vizaun polítika ida ne’e atu lori desportu ba segmentu hotu-hotu ita nia sosiedade nian iha nivel hotu-hotu. Fatin importante ida ba hahu implementa vizaun ida ne’e mak eskola sira.
“Protokolu kooperasaun ho UNTL ne’e atu prepara rekursu umanus, liuliu prepara profesores desportu no edukasaun fízika sira atu ba hanorin desportu no edukasaun fízika iha ita nia eskola sira. Ida ne’e parte importante ida husi lori desportu ba ita nia sosiedade,” Sekretariu Estadu hatete.
Protokolu de kooperasaun ne’ebé mak asina ohin nia objetivu principal mak atu kontinua serbisu hamutuk entre SEJD ho UNTL ba implementasaun no dezenvolvimentu kursu lisensiatura iha ensinu desportu no edukasaun fïzika iha Fakuldade Edukasuan, Artes no Humanidade UNTL nian. (SEJD)
About Post Author
