DILI-(Desportu XYZ) Federasaun Karate-do Timor-Leste (FEKATIL) ohin hasoru malu ho Ministru juventude Desportu Arte e Kultura (MJDAC), Nelio Isac Sarmento, hodi fo hatene kona ba Atleta nain rua ne’ebé mak aban sei dezloka ba Malazia atu partisipa iha kampionatu Internasional Asia Champions ne’ebé sei realiza iha iha Malazia.
Prezidente Federasaun KARATE-DO Timor Leste, Filomeno Soares Araujo haktuir, ohin Federasaun Karate-do mai husu atu Ministru husik hela lia menon ruma ba atleta sira molok dezloka ba Malazia hodi tuir Kampionatu Internasional ne’e no Ministru Juventude Desportu Arte Kultura,Nelio Isac Sarmento apresia no orgullu boot ho Federasaun Karate nia esforsu tomak ne’ebé bele ba partisipa iha kampionatu Internasional refere.
“Ohin ami mos ko’alia ho Ministru tamba Governu foun ami la bele mai Enkomoda lai Governu, ho esforsu tomak ami bele buka no orsamentu ne’ebé apoiu husi kompania lokal balu mak fo suporta ba ami para ami bele ba partisipa iha kampionatu internasional ida ne’e,”afirma nia hafoin hasoru malu ho Ministru Juventude Arte Cultura iha Edifisiu MJDEAC Segunda (17/06)
Nia esplika, Kompania ne’ebé mk apoiu ami mak hanesan Rudal 7984 Oka Laran diak hodi fo apoiu tomak hahu husi preparasaun, dezlokasaun to’o fila.
ekipa ne’ebé mak atu dezloka ba kompostu husi Ofisial nain ida ho Treinador mak sei akompaña atleta atleta nain rua ba to’o Malazia.
Atleta ne’ebé mak sei partisipa iha Kampionatu refere kompostu husi feto ida no Mane ida, Feto sei tun iha klase -50 no Mane -60 Kilograma .
Sikun seluk, Treinador Nasional Karate-do Timor Leste Andreas Quefi katak sira nia preparasaun ba Jogu ida ne’e hahu kedas iha Janeiru to’o agora
“Iha selesaun ami hare husi Atleta sira nia badinas treinu,Disiplina no mos ikus foin lalais ami halo selesaun iha semana kotuk maibé sira mak mellor atleta ne’ebe mak ho pontus boot tanba ne’e ami nia esperansa hakarak Menan ho ida ou Rua tanba ita ba ne’e kompete ho nasaun barak ne’ebe prepara antes liu ita,”
Entretantu aban sira komesa dezloka ba Malaizia no iha loron 24 sira sei aranka fila-fali husi Malazia mai Timor Leste. (Eugenio)
About Post Author
