Dili-(Desportu XYZ) – Relasiona ho monitorizasaun husi Parte Konfederasauan Desportu Timor Leste ba Federasaun Desportivas 35, maibé iha de’it Federaasaun 5 mak di’ak tanba iha Tanbasede rasik.
Tanba ne’e Sekretáriu Estadu Juventude no Desportu SEJD Abrao Saldanha,husu governu foun mai atu tau osan hodi investe bá Federaasaun sira hotu nia kondisaun.
Tuir Prezidente CDTL, Macario Sanches katak, dadaun ne’e Federasaun 35 mak hamahan A’an iha Komfederasauan Desportu Timor Leste.
“Husi Federasaun 35 ne’ebé mak ami halo monitorizasaun bá ne’e, iha de’it 5 mak iha Kondisaun diak tanba sira iha sede no funsiona ho diak, husi 30 ne’e laiha sede rasik”afirma Macario bá jornalista sira iha Farol foin lalais ne’e
Nia konta,Federasaun hirak ne’e balu iha de’it meza,maibe atividade la funsiona ho di’ak no balu iha deit Prezidente nia uma tanba Federasaun sira laiha orsamentu hodi hari sede.
“Ida ne’e mak Ita husu ba governu foun kuandu hili membru governu ida tau matan ba área Desportu nian tenke hanoin uluk oinsa atu kontribui ba dezenvolventu Infraestrutura baziku ba Federasaun no klubu sira atu nunee bele funsiona ho diak”tenik Sanches.
Modalidade hirak ne’ebé dadaun ne’e iha sede no funsiona hela ne’e mak Karatedo, Taekwondo, Voleybol Atletismu no mos Futebol sira ne’e mak mais ou menus iha ona Kondisaun.
Nia haktuir,iha Federasaun sanulu resin mak depois de availasaun ne’ebé mak fó akontese iha fulan fevereiru no marsu nia laran agora aprosima hela para atu nune’e Federasaun ne’ebé mak afilia mai CDTL maibe laos modalidade arte Marsiais nian hetan subsídiu para apoiu ba sira nia admnistrasaun.
“Ida ne’e mak agora ita halo hela enkontru iha semana Kotuk oinsá para bele mobliza sira para atu intende Lalais situasaun bazika ne’ebé Federasaun sira iha”
Hatan bá kestaun ne’e, Sekretariu Estadu Juventude no Desportu, Abrão Saldanha afirma katak, kona ba indentifikasaun ba Federasaun sira nia levantamentu sira nian iha ona Relatoriu diagnostik saida mak Governu halo mak liu husi ida ne’e atu hahu dezenvolve sira nia Organizasaun
Governante ne’e esplika,Modalidade fighting sport ne’e SEJD liu husi Komisaun Regulador Arte Marsiais tau ona osan para dezenvolve diak liu sira nia Sekretariadu no administrasaun organizasaun nian sira
Sira seluk mos hanesan liu husi Confederasaun Desportu Timor Leste atu dezenvolve diak liu tan sira nia kapasidade oraganizasaun atu nune’e bele halao sira nia atividade tuir sira nia planu estratejiku nia
“Sira iha planu maibe susar atu implementa tanba rekursu umanus ne’ebé sira iha ne’e limitadu ida ne’e mak diagnostik ne’ebe halo tiha ona no relatoriu iha ona ita hein deit Governu foun mai oinsa atu tau osan investe para rezolve problema sira ne’ebe mak sira iidentifika”dehan Noko Siku
husi diagnostik ne’e mos baze ida ba sira atu halo rekerimentu ba atividade publik desportiva,atu nune’e sira bele husu mai Governu no Estadu oinsa atu hetan Oportunidade publik Desportiva
Tanba ne’e mak husi relatoriu ne’e oinsa mak kapasita sira nia kapasidade atu bele sai organizasaun ida ne’ebé forte liu.
“Ita tenke hatene organizasaun sira ne’e organizasaun privada la’ós Estadu nian ne’ebé tenke halo kantor ba ema hotu hotu lae maibe ita hare tuir lai sira nia dezenvolvimentu depois Governu halo nia fasilidade fo sira bazeia ba diagnostik ne’e mak ita halo investimentu.”
About Post Author
