DILI-(Desportu XYZ) governu liu husi Sekretariu Estadu Juventude Desportu (SEJD) ho Shoutheast Asia Regional Anti Doping Organization (SEA RADO) realiza seminariu anti dopazen ba federasaun desportivu iha Timor-Leste.
Semináriu ida ne’e importante tebes bá atleta sira atu prepara a’an di’ak molok partisipa iha kompetisaun internasional atu labele kona dopazen hodi kompete iha kompetisaun sira iha futuru.
“Seminariu koalia anti dopazen ohin loron ne’e importante tebes ba ita nia federasaun desportivu no atleta sira iha ita nia rai ne’ebe prepara ba jogu sudeste aziatiku iha tinan oin ne’ebe important ba atleta sira hahan ne’ebe presiza konsumsu no labele han tan” afirma Maria Luzia Monteiro bá jornalista iha SEJD kuarta (07/12)
Nia haktuir,seminariu ida ne’e para ita nia atleta no treinador sira partisipa atu nu’une bele hatene saida mak anti dopazen ne’e.
“seminariu ne’e sei kontinua hala’o nafatin tanba durante tinan rua iha situasaun covid-19 la iha atividade fahe informasaun anti dopazen ba atleta sira maski Timor-Leste sai ona membru SEA RADO ne’ebe parte governu sei servisu hamutuk ho konfederasaun para identifika atleta sira ne’ebe seidauk tuir formasaun para atleta sira iha kunesimentu ba anti dopazen nian.
Sorin seluk, diretor jeneral SEA RADO Gobinhatan Nair hatete, Timor-Leste asina ona konvesaun anti dopazen no kodigu internasional anti dopazen nian ne’ebe nasaun idak-idak iha regulamentu anti dopazen nian ne’ebe nasaun sira tenki tuir regulamentu ne’e no atleta sira ne’ebe atu partisipa kompetisaun ne’e sira hola parte iha federasaun ne’ebe sira hotu tenki halo tuir regulamentu anti dopazen nian selae hetan sansaun ne’ebe atleta sira tenki iha edukasaun kona-ba saida mak anti dopazen no oinsa halo prevensaun
Timor-Leste mos agora iha tiha ona Doping Control Officer (DCO) ne’ebe sei halo tested dopazen ba atleta sira karik presiza,ne’ebe sample atleta sira ne’ebe DCO Timor-Leste foti sei ba tested iha Laboratorium Qatar tanba fatin ne’e hetan akreditasaun iha mundu nian no SEA RADO ne’e hola parte iha World Anti Doping Association (WADA) ne’ebe toma konta anti dopazen ba nasaun 11 ne’ebe iha sudeste aziatiku.
Reprezentante treinador Federasaun Basketebol Nasional Timor-Leste (FNBTL)
“Seminariu ne’e importante tebes ba federasaun desportivu sira iha Timor-Leste atu nu’une bele hetan informasaun ba anti dopazen nian atu nune’e bele fahe ba klube sira no asosisaun sira para hotu-hotu iha hetan kunesimentu antes ba partisipa kompetisaun iha rai laran no rai liur”
Tanba ida ne’e sei implika ba atleta sira iha eventu internasional sira tanba dopazen ne’e atleta sira bele hetan husi hahan no herbal ho suplemen sira ne’e
About Post Author
![Pinterest](https://pinterest.com/pin/create/button/?url=https://desportu.xyz/sejd-ho-sea-rado-realiza-seminariu-anti-doping-ba-atleta/&media=https://desportu.xyz/wp-content/uploads/2022/12/IMG-20221208-WA0000.jpg&description="Seminariu koalia anti dopazen ohin loron ne'e importante tebes ba ita nia federasaun desportivu no atleta sira iha ita nia rai ne'ebe prepara ba jogu sudeste aziatiku iha tinan oin ne'ebe important ba atleta sira hahan ne'ebe presiza konsumsu no labele han tan" afirma Maria Luzia Monteiro bá jornalista iha SEJD kuarta (07/12) %%title%%){kind=link}