Dili-(Desportu XYZ) ekipa S’Amuser fc save títlu Kampiaun taca Rosa muki Bonaparte 2022, hafoin halakon nia adversario Ad SLB 3-1 iha kampu demokrásia Dili sabadu (10/12)
Jogu hahú primeru parte Ad SLB hetan kedas premiu penalidade iha menutu 1, hafoin deveza S’Amuser Hamonu jogador Ad SLB Maria Sandra iha grande penalida laran.
Ho nune’e Arbitu desidi bá sota penalidade, jogador Natalia da Costa ne’ebé sai hanesan ezekutador susesu fora rede S’Amuser hodi hatur eskor bá 1-0.
Eskor refere halo ekipa rua hasai tan velosidade jogu hodi fó kontra ataka bá malu liu husi tatiku jogu,iha ne’ebé ekipa Ad SLB halo jogu tiki taka bola ain ba ain,enkuantu S’Amuser uza bola A’as.
Tatika ne’ebé mak S’Amuser halo konsege responde golu ida bá rede Ad SLB iha menutu 30 liu husi jogador Litecia do rego hodi hatur eskor bá 1-1.
Ho golu ne’e halo ekipa S’Amuser hasai ritmu jogu halo ekipa Ad SLB susar atu sobu liña deveza to’o oras denkansa.
Kontinua bá segunda parte,ekipa S’Amuser hamate Ad SLB nia jogu tiki taka,hodi aumenta tan golu rua bá rede Ad SLB iha menutu 55 no 63 liu husi jogador Dollores V.da Costa hodi termina jogu.
Entertantu,premeu bá kampiaun primeiru lugar hetan taca no orsamentu hamutuk $ 5,000,segundu lugar Ad SLB hetan $ 3,000,terseru lugar Ekipa Marantha $2,000 no kuartu lugar Ekipa Unital $1,000.
Enkuantu, Melhor markador bá taca rosa muki Bonaparte monu bá jogador Nilda Romana husi ekipa Buibere hetan $500, melhor guarda rede monu bá guarda rede ekipa S’Amuser Madalena F.Soares $500 no Best Player monu ba jogador Marantha.
About Post Author
 ekipa S'Amuser fc save títlu Kampiaun taca Rosa muki Bonaparte 2022,hafoin halakon nia adversario Ad SLB 3-1 iha kampu demokrásia Dili sabadu (10/12) %%sitename%%){kind=link}