Dili-(Desportu XYZ) governu liu husi Sekretáriu Estadu Juventude no Desportu (SEJD) husu bá orgaun Liga Futebol Timor Leste no Federasaun Futebol Timor (FFTL) atu manda pedidu bá iha SEJD hodi bele hasai orsamentu bá organiza liga Timorense iha Epoka tinan ne’e tanba ezekusaun orsamentu hela de’it fulan rua.
Orsamentu ne’ebé mak SEJD sei aloka bá LFTL atu organiza liga iha Epoka 2022-2023 hamutuk $ 240 mil no FFTL $ 200 mil.
SEJD Abrao Saldanha haktuir,iha semana kotuk ami hala’o inkontru hodi informa bá FFTL atu aprezenta fali mai katak,liga bele realiza ga lae tanba ami informa bá sira katak ezekusaun orsamentu hela de’it fulan rua.
“Ami perzisa FFTL ho LFTL atu aprezenta pedidu antes mai para ami hasai orsamentu bá sira hodi bele organiza ona liga”afirma Abrao bá jornalista sira iha salaun CNE kinta (20/10)
Abrao informa,to’o agora ami seidauk rona informasaun ruma husi FFTL no orgaun Liga kona-ba proposta orsamentu refere.
“Ami rona informasaun katak,FFTL no LFTL tur hamutuk ona tanba ne’e ita hein bainhira mak organiza liga governu prontu tanba orsamentu bá Liga perparadu,maibé depende bá sira nain rua”
Entertantu,tuir informasaun ne’ebé mak Desportu XYZ asesu iha pazina liga Timorense nian katak,horseik loron 19 fulan Outubru tinan ne’e orgaun Vice prezidenti LFTL hala’o inkontru ho Sekretáriu Jerál FFTL no adjuntu sekretáriu jerál FFTL,maibé seidauk hatene objetivu husi inkontru refere.
Relasiona ho asuntu ne’e, jornalista Desportu XYZ tenta telefone liu husi Via Whatsaap bá deritor relasaun públiku LFTL Diogo Neto Fraga,maibé la atende telefone.
About Post Author
