Dili- (Desportu XYZ) Amante Futebol Iduk Vicente haktuir, destinu Liga Futebol Timor Leste LFTL Epoka 2022-2023, Federasaun Futebol Timor Leste FFTL mak hamate tanba hela de’it ona fulan rua,maibé FFTL kontinua taka ibun.
“Hafoin hetan apoiu orsamentu husi SEJD $200 mil sa’e bá $ 240 mil, maibé destinu Liga Timorense époka 2022/2023 nafatin iha inserteza nia laran. Ho inserteja ida ne’e, afeta tebes ba klube, treinadór no jogadór sira, liuliu sei fó impaktu ba jogadór selesaun nasionál sira” tenik Induk bá Desportu XYZ liu husi Via Whatsaap kinta ne’e.
Induk hateten,ikus ikus ne’e Futebol nasionál sempre sai deskusaun públiku no ema hotu preukupa hakarak dezenvolvementu Futebol iha garante duni sei la’o ho di’ak bá futuru.
“Laiha kompetisaun nune’e, oinsá atu hetan selesaun nasionál ida que forte hodi kompete ho kompetitivu iha jogu internasionál sira, tanba bazikamente kompetisaun maka sei hamosu prestasaun selesaun nasionál” amante dehan
Nia haklaken liu tan, Tuir loloos ne’e Liga Timorense realiza tuir kalendáriu ne’ebé planeia hotu tiha ona, maibé dezde inísiu tinan ne’e parte FFTL ita konsidera laiha vontade sériu no la kria relasaun serbisu ho di’ak hodi kopera ho parte Órgaun Liga, nune’e mós deskonfia iha tendénsia politiza situasaun hodi rezulta Nilton Gusmão rejigna an hosi kargu Prezidente LFTL.
Tanba ne’e, kuandu organizasaun ida maka lidera husi ema dupla funsaun satán iha kargu polítiku, ne’e poténsia bo’ot sei hamosu konflitu intereses.ho nune’e esperansa boot ba futuru, FFTL sei la lidera husi figura ho karakter buka moris iha organizasaun, maibé tenki figura ida ne’ebé ba hamoris futeból ho ninia ideas, hanoin no integridade.
Eis futebolista ne’e sublina, FFTL nu’udar órgaun reguladór, até ohin loron sei nonók de’it, tanba sira laiha duni vontade no inkapasidade atu solusiona situasaun ida ne’e, sira apenas prodúz de’it polémika durante ne’e.
“Ho kondisaun sira nune’e, ha’u pesimista tebes Liga Timorense bele la’o iha tinan ida ne’e.”
Entertantu, foin lalais ne’e FFTL tau 200 mil no Sekretáriu Estadu Juventude no Desportu tau 200 mil hamutuk 400 mil, maibé ezijensia husi Klube atu hasae subsidu tanba ne’e FFTL husu tan apoiu bá SEJD hodi aumenta tan orsamentu balun.
Ho ezijensia sira ne’e, SEJD iha komprimisio nafatin hodi aumenta tan orsamentu husi 200 mil bá 240 mil, no mós SEJD Abrao Saldanha husu bá FFTL atu bolu LFTL tur hamutuk hodi organiza ona liga Timorense iha tinan ne’e.maibe FFTL to’o oras ne’e sei kontinua nonok.
About Post Author
