Dili-Federasaun Futebol Timor Leste (FFTL) ho governu liu Sekretáriu Estadu Juventude no Desportu (SEJD) ladún hapar no komprende loloos dezenvolve Futebol iha Timor tanba agora ita liga profesional,la’ós Amadora.
Antes ne’e inkontru entre FFTL, LFTL no mós reprezentante husi klube segundu devizaun ida no primeru divizaun ida hodi koalia kona-ba realiza liga Timorense Epoka 2022-2023.
maibé iha inkontru refere, klube hato sira nia ezijensia bá FFTL no LFTL atu aumenta Subsidiu tanba ne’e FFTL lori klube sira nia ezijensia hirak ne’e hodi bá hato governu liu husi SEJD.
Ezijensia hirak ne’e FFTL aprezenta bá SEJD iha loron 14 fulan Setembru tinan ne’e, maibé dezisaun governu nian mantein ho orsamentu $200,000 no FFTL mós mantein 200,000 hodi mantein subsidu bá klube sira.
Tanba ne’e prezidenti klube Assalam Fc Ipolitu Soares hateten, bá ha’u sira nain rua tenki mantein tanba orsamentu planeado tha ona labele muda tanba husi inisiu alokadu hotu ona.
“Kestaun bá ha’u mak ne’e SEJD Abrao Saldanha ho Prezidenti FFTL Francisco Jeronimu Ladún hapar no komprende loloos dezenvolve Futebol iha Timor” dehan prezidenti Assalam Fc bá Desportu XYZ liu Via Whatsaap sesta (16/09)
Tuir nia, ne’e mak sira nain rua Halo dezisaun iha Inisio orsamentu bá Futebol iha Timor ne’e failha tanba sira nain rua lahatene katak, uluk Liga Futebol Amadora no agora Liga Futebol Timor.
“Uluk subsidu bá klube premeru devizaun 20 mil tanba joga fulan rua de’it,agora Epoka 2022 subsidu nafatin,maibé joga fulan 8,ida ne’e mak estraino bá ami klube” afirma Ipolitu
Nia sublina, atu klarifika bá públiku katak, subsidiu mai husi governu no FFTL ne’e subsidu bá atividade bola iha Timor liu husi klube, la’ós subsidiu bá klube.
Klube nia ezijensia aumenta Subsidiu tanba despeza lahanesan uluk tanba ita fó salariu kik, ita obriga jogador joga fulan 6.
“Ita bele buka solusaun ne’ebé justu ho subsidu ne’ebé mak FFTL no SEJD tau ona i jogu badak fulan 2”
Ipolitu saleinta, ho subsidu 20 mil no 10 mil ne’e la sufiseinte atu hala’o jogu full Kompitisi.
About Post Author
