Dili – Ohin orgaun Liga Futebol Timor Leste LFTL hala’o inkontru dahuluk ho Federasaun Futebol Timor Leste hodi deskuti perparasaun bá jogu Epoka 2022.
Iha inkontru ne’e parte FFTL no LFTL ko’alia liu kona-ba prosesu janela transferensia,Kalendariu jogu no finansial soport bá klube sira.
tanba ne’e FFTL mós hakarak jogu Epoka ida ne’e tenki hala’o iha loron 18 fulan Agostu tinan ne’e.
“Ohin Konkorda ona semana oin FFTL no LFTL sei pronunsia bá klube sira katak,prosesu janela transferensia sei hahu iha inisiu fulan Jullu”tenik deritor relasaun publik LFTL bá jornalistaiha Bairu Grilos kinta (23/06)
Nia konta, Kona-ba kampu atu utiliza bá jogu Epoka ida ne’e seidauk hatene tanba sei karik ita uza kampu rua tenki kolia klaru loloos bá klube tanba agora tempu hanesan ne’e klube mós iha susar nia laran.
Buat ne’ebé FFTL ohin hatete mai ami katak,data serteza bá jogu ne’e mak sei hala’o iha loron 18 fulan Agostu tuir FIFA no AFC pronunsia.
Sorin seluk Sekretáriu Jerál FFTL Gregorio Correa afirma,durante ne’e ita labele halo jogu iha fulan Juñu no Jullu tanba jogador Partesipa jogu Internasional barak no mós klube sira kritika barak tanba ne’e mak jogu muda bá Agostus.
“Ha’u sei kolia ho prezindeti FFTL atu hala’o inkontru ho Sekretáriu Estadu Juventude no Desportu (SEJD) no Prezidenti LFTL atu nune’e iha harmonia bá malu hodi nune lori Futebol bá oin”dehan Gregorio.
LFTL mós ohin aprezenta kona-ba osan finansial soport bá klube sira tanba ne’e ha’u dehan ita labele hasoru malu de’it ohin,maibé tenki hasoru malu beibeik hodi harmonia atu nune’e buat hotu bele la’o di’ak.
Kona-ba kampu ita iha estadiun Ermera,Baucau no Maliana,maibé hare lai estadiun munisipal Dili mak seidauk hadia entaun ita bele uza.
About Post Author
