DILI-Asosiasaun Futebol Munispiu Ermera sei abertura jogu Copa AFME iha loron 20 fulan Maiu tinan ne’e iha Estadiun Cafe Ermera Glenu.
Objetivu husi Copa AFME nian mak oinsá atu prepara jogador Asosiasaun nian atu mai kompete iha jogu terseiru devizaun Liga Futebol Timor Leste (LFTL), no mós atrai emprezariu Ermera oan investe iha klube.
Prezidenti AFME Lomelinu Salsinha hatete, tuir programa Asosiasaun nian kada tinan ami sempre realiza Copa AFME ne’ebé mak realiza ona iha tinan kotuk.
“Agora tinan ne’e ami halo hela preparasaun atu hahú abertura Copa AFME iha loron 20 de Maiu tinan ne’e tanba ita hakarak Futebol ne’e labele para no tenki bá oin” dehan Lomelinu ba Desportu XYZ iha sede FFTL tersa (17/05)
Nia haktuir, mesmu ke hasoru dezafiu oioin, maibé Asosiasaun hamrik nafatin oinsá mak bele sai dalan atu lori jogador sira bá eventu sira tuir mai.
Klube ne’ebé mak atu Partesipa iha eventu Copa AFME hamutuk klube 18, husi Klube sira ne’e ami konvida munisipiu vizinu hanesan Asosiasaun Futebol Munisipiu Liquica reprezenta klube tolu 3, Asosiasaun Futebol Dili Leste reprezenta klube 3 no Ermera klube 12.
“Kona-ba orsamentu atu realiza eventu refere, ami hetan apoiu husi Federasaun Futebol Timor Leste (FFTL) hamutuk $ 3000.70 no mós emprezario balun”
About Post Author
