DILI-iha sesta loron 21 fulan Janeru 2022 orgaun Liga Fútebol Timor Leste (LFTL) halo inkontru ho klubu 16,kompostu husi premeru devizaun 18 no segundu devizaun 7, maibé klubu 3 lapartesipa iha inkontru kona ba deskuti planu asaun ba jogu LFTL 2022-2025 no mos perpara ba jogu epoka 2022.
Klubu Premeru devizaun 10,maibé klube 9 deit mak partesipa inkontru refere hanesan, Emanuel Fc, Fc Portu Taibesi, Ponta Leste, Ad SLB, Karketu Dili Fc, Akademia Fc,Fc, Assalam Fc, Lalenok United, Atletic Ultramar no Aitana lapartesipa iha inkontru ne’e. Enkuantu Segundu devizaun hamutuk 9 hanesan, As Marca, Fitun Estudante, Santa Cruz, Kablake Fc, Nagarjdo, Lica-Lica Lemorai no Zebra Fc ho Boavista Fc Timor la marka prezensa iha inkontru refere.
Tuir prezidenti LFTL Nilton Gusmão hatete, primeiru hau hanoin ita iha inisiu tinan 2022, tanbá ne’e mak ami konvoka reunião hamutuk ho klubu sira atu halo evulusaun hamutuk ho sira sobre ba epoka ne’ebé liu ona no mos ba epoka ne’ebé atu hahu mai ne’e.
“Maibé buat seluk inportante ne’ebé ami koalia hamutuk ohin ne’e mak asuntu konaba ami buka elebora ideas hamutuk ami nia planu no asaun ba tinan tolu LFTL mai ne’e” Afirma Nilton ba jornalista sira,hafoin remata renião ho klubu sira iha Hotel JL Vila sesta (21/01)
Nia hatutan, desde LFTL tranforma husi Liga Fútebol Amadora (LFA) mai ne’e ami nunka iha opurtunidade atu tur hamutuk,tanbá ita hotu hatene sirkutansia pandemia covid 19 ne’ebé ita hasoru iha pais ne’e,entaun laiha biban par ita tur hamutuk hodi hanoin planu sira ne’e.
Ekipa tekniku agora elobora hela planu sira ne’e, tanbá ne’e ohin renião ne’ebé halo ho klubu sira ne’e hodi bele rekesi liu tan hanoin sira ne’e,depois ami sei halo seminario ida iha tempu badak ba planu tinan tolu oin mai.
“Renião ida ohin ne’e renião nu’u Anu nian hamutuk ho klubu sira para hare fali epoka ne’ebé liu tia ona i rona mos klubu sira nia preukupasaun no ideas oinsa mak atu organiza epoka 2022”
Prezidenti LFTL akresenta, planu ba liga tinan ne’e tenki lao,tanbá liga ne’e liga regular lao tinan-tinan labele faila, maibé ita hakarak tinan ne’e hakarak liga lao naruk oituan, tanbá ne’e mak ita koalia ho klubu sira par ita organiza tinan ne’e pelemenus bele kompletu hodi fo opurtunidade ba jogador sira pratika joga iha kampu hodi atu nune’e selesaun nasional sira bele perparadu.
“Tinan ida ne’e ita sei halo jogu ho klubu premeru devizaun 10 no klubu segundu devizaun 9, maibé sei halao jogu foul kompitisi no mos ba premeru devizaun”
Sorin seluk prezidenti Karketu Dili Fc Adils Ribeiru informa,inkontru ida ohin ne’e atu halo evulusaun aktividade ba anu tinan 2021 nian, depois orgaun LFTL mos hakarak rona ideia husi klubu sira atu perpara asaun ba epoka tinan oin no LFTL nia planu mos hakarak halo jogu ba tinan naruk.
“Entaun LFTL konvida klubu sira atu mai fo hanoin hamutuk no tau planu no mos halo evelusaun ba tinan kotuk no mos sira hakarak rekoila dadus hodi fo hanoin husi klubu sira para planu ne’ebé sira tau bele reprezenta duni klubu sira nia hanoin”.
About Post Author
