Dili-Presidente klube Emmanuel FC Aleixo do Carvalho Monteiro husu Órgaun Liga Futeból Timor Leste (LFTL) atu klarifika loloos razaun ruma husi prémiu $ 5000 mil ne’ebé fó ba nia ekipa hanesan 1º kampeaun iha finál Liga Timorense 2º divizaun époka 2021, hafoin halo derrota Académica Fc ho skor 2-0.
Tuir presidente Emmanuel Fc ne’e katak, banhira Timor Leste sei la’o ho Liga Amadora prémiu ba klube 2º divizaun ne’ebé sai 1º kampeaun hetan valor osan $ 10.000 mil, maibé diferente tebes ho agora ita hakat sai ona hanesan Liga profisionál, maibé prémiu ba klube ne’ebé sai 1º kampeaun hetan de’it $ 5.000 mil.
Tanba ne’e, nia husu LFTL atu klarifika razaun $ 5.000 mil ne’e ba públiku tuir estatutu Liga Timorense nian.
“Hau la’os la satisfaz, maibé hau hakarak ko’alia regimentu estatutu LFTL hanesan ne’e, 2º divizaun ne’ebé sai kampeaun ne’e tenki hetan $ 10 mil no 1º divizaun ne’ebé sai kampeaun ne’e tenki hetan $ 15 mil, maibé hau la hatene estrutura mak la lee estatutu ne’e ka oinsa, maibé atu hateten de’it Presidente LFTL Nilton Gusmão ne’e ema di’ak, no nia hadomi futeból. Hateten presidente Emmanuel Fc ne’e iha Stadium Munisipal Dili, Sabadu (11/12) ne’e.
Nia hatutan, la’os atu kompleim ba prémiu ne’ebé oferese ona, maibé fó hanoin de’it ba LFTL katak, bainhira ita la’o ho amadora hetan $ 10.00 mil, maibé ita sai tiha hanesan ona Liga profisionál simu fali $ 5000 , tanba ne’e mak nia preokupa.
Sira presiza halo renova ba estatutu ne’e tun ba 5000 para 10 mil ne’e hasai tia, ne’e mak hau nia preocupasaun.
Presidente Emmanuel Fc ne’e dehan, prémiu ne’ebé hetan ona nafatin simu ho fuan bot hanesan futeból. Maibé husu ba sira atu la bele viola regras tuir estatutu LFTL nian, ne’ebé iha ona. Dehan nia.
Nia relata, la’os halo kritíka ba prémiu ne’e, maibé atu fó sujestaun de’it, nune’e bele hadi’a futeból ne’e la’o di’ak liu tan iha futuru.
Hatan ba preokupasaun presidente Emmanuel Fc nian ne’e, diretór relasaun públiku LFTL Diogo Neto Fraga klarifika, iha estatutu LFTL la ko’alia kona-ba prémiu ba kampeaun, maibé so iha regulamentu jogu mak ko’alia kona ba ne’e.
“Kona-ba prémiu do jogo sira ne’e sita iha artigu 62, se parte balu mak hateten dehan $ 10 mill ba 2ª devizaun ne’ebé sai kampeaun ne’e, hau hanoin ne’e loloos”.
Nia hatutan, infelizmente artigu 62 iha númeru 3 hateten katak, segundu divizaun ne’ebé kampeaun nia prémiu mak $ 5000 dolar.
Hau atu klarifika tan katak, kompetisaun ida agora ne’e ninia kompetisaun la’os full, tanba ne’e mak prémiu do jogu ne’e kabe ba orsamentu estadu nian, liu husi Sekretáriu Estadu Juventude no Desportu (SEJD), tanba ne’e mak liga implementa ho $ 5000 dólares.
Tanba ne’e nia husu, karik buat balu laloos odamatan liga nian nakloke ba Ema hotu atu kopera.
About Post Author
