Dili- Iha jogu jornada dalima nian Aitana Fc rekolla hikas pontus 3 husi As Ponta Leste hodi sai husi zona mean ba degradasaun Liga Futeból Timor Leste (LFTL) Hodi mantein ba primeira divizaun tamba okupa iha sestu tabela klasifikasaun ho pontus 4 iha jogu dalima, impata dala ida, lakon dala tolu no manan dala ida hafoin halakon As Ponta Leste ho skor mihis 2-1.
Haree ba istória iha jogu sira liu ba tinan hirak kotuk hahú ho naran (Liga Amadora) nian ekipa Aitana Fc seidauk derota ho As Ponta Leste, tan ne’e to’o ohin loron hafoin muda naran Amadora ba Liga Futeból Timor Leste (LFTL) ka liga profisionál ekipa Aitana sei mantein nafatin nia istória atu labele derota ho As Ponta Leste.
Iha konfrénsia de impresa, treinadór Aitana Fc Octavio Alves hateten, durante sira jogu kontra As Ponta Leste nia ekipa seidauk simu derota.
“Ita dada fali ba kotuk As Ponta Leste seidauk manan Aitana, tanba ne’e to’o agora mós ami nafatin manan nia”. Hateten treinadór ne’e iha stadium munisipal Dili, Sabadu (11/12).
Treinadór ne’e dehan, ohin rekolla vitória ne’e tanba sira konsidera jogu ohun hanesan finál ba sira. Tanba ne’e mak saida mak sira hakrak tenki hatudu hotu iha jogu ohin.
Ba oin sei hadia mak jogadór sira nia físiku no sistema jogu sira komprende ona.
Treinadór ne’e reforsa, ohin troka jogadór Edit Xavio (9) tanba bainhira jogadór ida sofre aleixa tenki troka, nune’e bele ganha vitória ka halo rotasaun ba jogadór.
Iha fatin hanesan treinadór As Ponta Leste Francisco de Araújo hateten, jogu kontra Aitana nia tenta muda estratejia lubuk maibé la konsege hetan vitória.
Ohin ne’e la’os lakon iha estratéjia, maibé lako iha teknika jogadór ida-idak nian, oinsa atu iha finalizasaun bola.
Nia rekoñese, golu iha jogu primeira parte falla mós husi defeza no jogu segundu parte mós falla husi konsentrasaun jogadór.
About Post Author
 Hodi mantein ba primeira divizaun tamba okupa iha sestu tabela klasifikasaun ho pontus 4 iha jogu dalima, impata dala ida, lakon dala tolu no manan dala ida hafoin halakon As Ponta Leste ho skor mihis 2-1.){kind=link}