DILI-Komisaun Reguladora Arte Marsiais (KRAM) ne’ebé hamahan iha Sekretaria Estadu Iuventude no Desportu (SEJD) submete ona dokumentus husi organizasaun arte marsiais rua hanesan Ikatan Kerasakti (IKS PTL) no Kmanek Oan Rai Klaran (KORK) ba ministeriu justisa liu husi diresaun jeral servisu rejistu notariadu hodi hetan legalidade.
Prezidente KRAM Octavio da Consecão inofrma, ohin SEJD liu husi KRAM mai entrega dokumentu sira ne’ebé mak KRAM husu ba organizasaun artemarsiais sira husi primeira diretiva 2020 nian ba krietrius registu organizasaun nian.
“Ami lori organizasaun rua IKS.PTL. ho KORK, mai entrega dokumentu mai iha ministeriu justisa liu husi diresaun jeral servisu notariadu atu bele hetan legalidade tuir dekretu lei numeiru 5/2008 nian hodi bele hetan sira nia legalidade ba sira nia aktu juridiku”dehan Octavio ba Jornalista sira Iha edifisiu Rejistu Notariadu Dili, Sexta (26/11).
Nia haktuir SEJD no mos KRAM halo servisu hamutuk ho organizasaun 3 hanesan IKS, PSHT no KORK lori tinan ida tomak para atu priense krietrius ida nee, hakarak atu hatete ba publiku katak lideransa husi organizasaun tolu ne’e halo esforsu i sira kumpri ona krietrius hamutuk 18 i agora dadauk dokumentu ne’e to’o ona finalidade i ohin entrega ona ba iha ministeriu justisa liu husi diresaun jeral servisu notariadu.
Sorin seluk Diretur Nasional Diresaun Rejistu Notariadu, João Fernando Martins reafirma, ba dekretu lei numeiru 5/2005 kona ba pesoa koletiva la ho lukru ezize obrigatoriamente atividade hotu hotu organizasaun hotu tenke rejista hodi hetan personalidade juridiku.
Tanba Ita boot sira hanesan organizasaun kuandu la rejistu iha iha ministeriu justisa diresaun jeral rejistu notariadu signifika katak nia la iha personalidade juridika para atu halo atividade iha teritoiriu nasional republika demokratika Timor Leste.
Organizasaun hotu ne’ebe mak atu halo nia atividade iha teritoiriu ida iha nasaun ida nee nia tenke rejistu nia a’an hanesan organizasaun para atu hetan personalidade juridiku no hetan legalidade husi ministeriu justisa.
Noteriadu sei verifika aktu de entermu entrega ona, ami fo ba malu horseik ita sei verifika hare ba buat ruma seidauk kompletu husu ba parte sira atu halo kompleta antes ita procesa,no depois sei lori ba iha procesu notariadu sira sei halo eskritura publika,para ba halo publikasaun iha Jornal da republika durante 15.
“Ita fo sertifikadu komprovativu de rejistu depois de 15 dias kuandu publika tiha ona iha Jornal da republika mai fali mak rejistu notariadu sei fo tan dala ida ba sira sertifikadu komprovativu de rejistu hodi hatudu katak organizasaun sira ne’e rejistadu ona iha ministeriu justisa no sira iha direitu tomak atu halo sira nia atividade iha teritoiriu nasional”
Entretantu Prezidente IKS.PTL Silvestre Sufa hatete, prezidente KRAM no mos parte ministeriu justisa rejistu notariadu ita boot sira hatene katak ohin dia 26 IKS mai hatama dokumentus de rejistu ba legalidade nian.
Hanesan ita hatene katak durante nee IKS kuaze tinan 8 seidauk bele loke tanba hetan suspensaun atu taka iha 2013 bazeia ba rezolusaun 16/2013 depois hotu mos hatodan tan ho lei numeiru 5/2017 mais durante tinan ida ami halo procesu para atu re rejistu iha procesu nia laran ne’e rekezistus kuaze 18 rekezistus ami priense tiha ho nunee ohin loron ami mai hamutuk ho KRAM hodi rejistu ba ministeriu justisa.
About Post Author
