DILI- Organizasaun arte ritual 77 (hitu-hitu) no IKS PTL apelu ba membru hotu atu hapara ona violensia no diskriminasaun ba malu atu nune’e bele kontribui ba dezenvolvimentu.
Tuir Lideransa masimu husi Mestri 77 Abilio Soares hatete, husu ba Juventude loriku Asu Wain liu husi membru arte ritual 77 iha Timor laran tomak espesial ba membru sira iha kapital Dili.
Relasiona ho konfrontu entre 77 no IKS foin lalais akontese iha loron hirak liu halo ita nia governu sira preokupa tebes ho situasaun refere.
“Hau husu ba membru 77 sira hotu atu halakon violensia no halakon dikriminasaun hodi hakuak arte mariais hotu hodi kontribui ba dezenvolvimentu iha ita nia rai, dehan Abilio ba jornalista iha salaun SEJD Sesta (26/03).
Nia informa, menbru 77 sira tenki halakon ona provokasaun no diskriminasaun atu kuda dame hodi hadok a’an tiha husi hahalok violensia sira, tanba violensia hasoru violensia ne’e krimi.
Karik membru husi 77 mak pratika krimi, nia mak sei ba hatan rasik tanba organizasaun la toma responsabilidade ba aktu ne’ebe mak membru ne’e komete.
Organizasaun sei entrega turturasaun membru ne’ebe mak komete krimi ba Polisia Nasional Timor Leste (PNTL) no Justisa, tanba ita moris iha lei nia okos.
Sorin seluk prezidente IKS PTL Silvester Xavier afirma, nudar autoridade IKS fo mensajen ba menbru IKS tomak iha Timor katak, organizasaun la’os violensia no torturasaun ba membru arte mariais seluk,tanba iha organizasaun ida-idak la’o ho nia rezimentu.
Organizasaun la autoriza menbru sira pratika krimi, sei kuandu organizasaun avizu la rona mak nia kontinua halo nafatin problema, ne’e signifika katak responsabel individual.
“Hau apelu ba membru IKS hotu hakmatek iha fatin hodi kumpri ba Serka Sanitaria ne’ebe mak governu aplika hela ita nia rai tanba pandemia COVID 19.(Eug)
About Post Author
