DILI – Liga Futebol Timor Leste (LFTL) sei aplika regra hodi la autoriza adeptos sira atu asiste jogu Liga iha Estadiun tanba kumpri ba regra ne’ebé mak governu fo sai ona katak labele halibur ema liu husi nain 10 hodi prevene COVID 19.
Diretur Verifikasaun Liga Futebol Timor Leste Jose Carvalho hatete liga sei foti alternativa hodi bele halo jogu rua hanesan Dili no Gleno, maibe estrutura liga sei tur hamtutk atu foti desizaun.
LFTL iha komitmentu ida klaru katak jogu liga tinan ida ne’e tenki la’o mesmu ita hare hela situasaun COVID 19 ne’ebé mak mundu tomak hasoru halo ema hotu mosu preokupasaun.
“Ho situasaun ne’e Liga Futebol Timor Leste sei aplika regra balun hodi la autoriza adeptos sira tama ba estadiun atu asiste jogu tuir regra ne’ebé mak fó sai ona husi governu” relata Jose ba jornalista iha sede LFTL segunda (18/01)
Ita hotu hatene durante kompetisaun liga lao bele ho adeptos mos benefesiu ba liga laiha tanba laiha kustu ba adeptos sira atu selu, tan ne’e la fó impaktu ba liga atu la’o.
Nia dehan tempu badak Liga Timorense sei tur hamutuk hodi bolu klubu sira hotu atu hatene saida mak sei akontese iha liga nia lalaok oinsa, maibe liga sei hare ba situasaun Estadu Emerjensia nakloke atu fó espasu ba ita tur hamutuk
“Ami mos tempu badak sei ba hasoru Sekretariu Estadu Juventude Desportu (SEJD) no Federasaun Futebol Timor Leste (FFTL) atu ajunta lolos saida mak inplementa ba klubu sira nia preokupasaun relasiona ho sira nia subsidu”. (Eug)
About Post Author
