DILI – Liga Futebol Timor Leste (LFTL), daudaun ne’e hahú loke odamatan ba klubu 20 atu rejistu hodi tuir jogu taxa 12 de Novembru sei akontese iha fulan oin.
Tuir diretór ba verifikasaun no lisensa Liga Futebol Timor Leste (LFTL), José Carvalho husu ba klubu sira hahú hakbesik ba LFTL, atu hatene prosesu rejistu liga Futebol 12 de Novembru iha tinan ne’e, sei hahú rejistu ohin no sei Renata iha loron 20 fulan ne’e nia laran hodi halo verifikasaun.
“Iha semana kotuk ami halo enkontru atu realiza tan jogu 12 Novembru iha tinan ne’e, maske jogu Federasaun Futebol Timor Leste (FFTL), la’o hela iha ámbitu tinan ne’e, maibé Taxa 12 nafatin la’o”. Hateten José ba jornalista sira iha nia konfrénsia imprensa iha sala LFTL, Xanana Sport Center, Segunda (05/10/2020).
José Carvalho mós deklara, iha klubu 20 mak sei halo rejistu, kompostu husi klubu primeira divizaun 8 no klubu segundu divizaun 12, tan ne’e klubu hirak ne’e tenki prense rekezitus hodi rejistu jogadór hamutuk 22.
Relasiona ho oráriu ba jogu nian, nia parte seidauk fó sai tanba ne’e kompetensia diretór kompetisaun liga nian.
Enkuantu ho orsamentu hodi apoiu ba Liga 12 Novembru ne’e, sei hetan apoiu husi governu, ho orsamentu 2020 nian, mais ou menus ho montante $ 27.000 mil.
Jogu ba Liga 12 Novembru ne’e, sei hala’o de’it iha stadium Munísipal Dili. (Ekipa Desportu.XYZ).
About Post Author
