Dili – Daudaun ne’e polítika oitavu governu nian, liu husi SEJD hakarak reintegra Organizasaun Árte Marsial (OAM) sira iha TL, ba sosiedade, liu husi enkuadramentu sira hodi kontribui ba dezenvolvimentu desportu nian iha TL.
Lia hirak ne’e hato’o husi presidente Komisaun Reguladór Árte Marsial (KRAM), Octavianos da Conceição, bainhira reprezenta mós Sekretariu Estadu Joventude no Desportu (SEJD) iha abertura ba Kongresu nasional ba dala haat, Asemblia Jeral Federasaun Taekwondo Timor Leste nian, iha Hotel Golgota Dili-Sabádu (26/09/2020).
Octavianos haktuir, banhira partisipa iha kongresu refere, tanba hetan orientasaun husi SEJD Abrão Saldanha nian, oinsa mak atu introduz polítika oitavu governu nian, ba federasaun Taekwondo iha TL.
“Hau hanoin kongresu Federasaun Taekwondo nian ne’e, bele sai sasukat ba federasaun hotu-hotu, atu halo ona sira nia kongresu, nune’e governu liu husi KRAM bele prosesu sira nia administrasaun, nune’e bele atualiza sira nia dadus hodi rejistu iha notariadu”. Hateten nia.
Tanba ne’e, reprezentante governu ne’e promete, iha oitavu governu nia mandatu, sei hareé mós dezenvolvimentu federasaun sira nian, hodi apoiu tuir planu ne’ebé sira apresenta ba governu.
“Hau nia mensajen ba kongresista sira katak, debate ho kakutak ne’ebé malirin, nune’e bele hetan estatutu ida ne’ebé ho di’ak”. Dehan nia.
Nia mós husu kongresista sira ne’ebé kandidata-áan karik liu, reprejenta federaun Taekwondo, kontinua lori federasaun ne’e, ba iha kompetisaun nível altu sira. (Vidal).
About Post Author
