DILI (19,08,2020) DTL-Ekipa jigante Lalenok United la dun satisfaz ho regra ne’ebé menisona katak kada klube sei hatun deit jogador estranjeiru nain rua iha kompetisaun kopa FFTL 2020.
Remata konferensia imprensa ba media nasional sira iha Xanana Spot center, ba jogu abertura nian, Lalenok simu novidades laduun diak ne’e ho verbal halo protesta hasoru komsariu jogu Martinho Ribeiro.
Ho emosaun hakfodak, ofisiál Lalenok United hato’o preokupsaun direita relasiona ho mudansa regra ba uju jogadór estranejiru.
“Regra ne’e nusa maka tenke halo mundasan no falta deit loron ida atu joga,” ne’e maka protesta verbal ne’e hato’o hosi treinadór Lalenok United iha Sede FFTL.
Kona ba regra ne’e rasik durante ne’e seidauk iha anúnsiu formal, nune’e laiha klaridade ba desizaun refere.
Observasaun Desportu.xyz nota katak hafoin konferensia imprensa hosi ekipa boot rua, Assalam ho lalenok, FFTL foin maka organiza reuniaun tékniku ho klubu partisipante kopa nian.
Iha sesaun konferénsia imprensa, Simon Elissetche hateten ninia ekipa preparadu atu jogu iha loron aban ba biban abertura nian.
“Ami halo preparasaun naruk, ami nia jogadór sira preparadu no no ami hakarak hetan vitoria iha jogu ne’e,” tenik trinadór hosi Chile ne’e.
Iha sesaun loraik, simon derije ninia jogador halo teste ba kampu ninia pitch, fatin jogu nian hodi familiariza jogadór sira ninia ain ho kampu estadiu munisipál Dili. (Augusto)
About Post Author
