17 Fevreiru Data Fixu Bá Realiza Liga Timorense Epoka 2023

January 12, 2023

521 views

DILI- (Desportu XYZ) data fixu bá realiza liga Timorense epoka 2023 sei akontese iha loron 17 fulan Fevereiru tinan ne’e, hafoin klube premeru devizaun, segundu devizaun no orgaun Liga Futebol Timor Leste LFTL desidi hamutuk ona iha inkontru ne’ebé mak hala’o iha estadiun munisipal Dili kinta (12/01)

“Ohin inkontru LFTL ho klube sira ne’e,deritor kompetisaun aprezenta ona Kalendariu bá Liga Timorense epoka ida ne’e sei hala’o iha loron 17 fulan Fevereiru no sei termina iha loron 30 fulan Abríl tinan ne’e” haktuir Deritor Relasaun públika LFTL Diogu Neto Fraga bá jornalista iha Estadiun Munisipal Dili kinta (12/01)

Nia dehan, kona-ba orsamentu ohin ami ajusta ona no sei haruka bá Federasaun Futebol Timor Leste FFTL atu aprova orsamentu refere hodi bele transfere ona mai liga.

“Ami agradese bá klube sira tanba iha ona protidaun hodi hakarak salva guarda Futebol no sira mós prontu atu kompete iha Liga tinan ne’e,maske ho orsamentu ne’ebé mak limitadu”Diogu afirma

Mekanismu jogu ita uza métode nafatin (estengah kompetesi) tanba Epoka 2022 -2023 besik termina ona.

Reprezentante klube premeru devizaun Osorio Florindo informa,ami klube premeru devizaun no segundu devizaun prontu ona atu joga no agora ami hein de’it LFTL loke resistu bainhira.

“Kona-ba bá finansial soport, ami klube aseita ona, maibé klube seidauk bele fó sae nia montante”

Osorio saleinta, jogu hahú iha fevereiru, tanba ne’e tempu bá ami atu perpara jogador sira ne’e sei iha fulan ida.

Entertantu, orgaun LFTL Sei prolonga tan janela transferensia hahú ohin loron 12 fulan Janeiru no sei termina iha loron 11 fulan Fevereiru tinan ne’e.