DILI – Orgaun Liga Futebol Timor-Leste (LFTL) anunsiu kalendáriu ba klubu 10 iha segundu divizaun atu tuir jogu Play off ne’ebé mak sei realiza iha loron 11 fulan Marsu tinan 2021 no jogu primeiru divizaun sei hala’o iha loron 7 fulan Abril.

Fo hanoin deit katak, antes ne’e klubu 8 deit mak partisipa  jogu primeiru divizaun iha momentu sei  Liga Futebol Amadora (LFA) no klubu segundu divizaun hamutuk 10.

Maibe iha kongresu 2020 fundador no klubu sira hotu desidi  muda naran Liga Futebol Amadora ba naran Liga Futebol Timor Leste.

Ho naran Liga Futebol Timor-Leste iha epoka da-lima 2021, signifika katak liga mai ho nivel profesional, tanba ne’e LFTL foti desizaun iha momentu kongresu 2020, hodi kria jogu play off atu amenta  klubu rua iha jogu segundu divizaun  ba kompleta klubu 10  primeiru devizaun.

Tuir Deritor Relasaun Publika LFTL Diogo Neto Fraga hateten, LFTL anunsiu ba klubu 10 iha segundu divizaun katak kalendariu ba jogu apuramentu Play off sei realiza iha loron 11 fulan Marsu tinan 2021.

 “Apuramentu jogu Play off lolos ne’e hala’o iha loron 4 fulan Marsu, tanba deit kestaun teknik Liga muda fali kalendariu ba iha loron 11 fulan Marsu” relata Diogo ba jornalista iha salaun Xanana Sport Center, Segunda (15/02).

Nia informa kalendariu ba jogu primeiru divizaun, liga kompremitidu ona sei hala’o jogu iha loron 7 fulan Abril tinan 2021 no mos jogu segundu divizaun hala’o iha 21 Abril 2021.

“Ami mos kaer metin kompromisiu ne’ebé mak foin lalais inkontru tri-parti entre Sekretariu Estadu Juventude Desportu (SEJD), Federasaun Futebol Timor Leste (FFTL) no Liga katak, hotu hotu mai ho ambisaun ida hakarak futebol tenki ba oin.

Tan ne’e orgaun Liga foti desizaun ho lais hodi fo sai ona kalendariu ba jogu apuramentu Play off  hodi klubu sira prepara sira nia a’an, tanba liga lakoi atu toba dukur. (Eug).

Klubu 10 atu kompete iha jogu Play off mak hanesan:

  1. Academica FC
  2. Atletico Ultramar
  3. Fitun Estudante
  4. Kablaki FC
  5. Lica-Lica Lemorai
  6. Porto Taibesi
  7. Nagardjo FC
  8. Santa Cruz FC
  9. Sporting de Timor
  10. Zebra FC
Like Reaction0Love
Like Reaction0Haha
Like Reaction0Shocked
Like Reaction0Sad
Like Reaction0Angry

About Post Author

Eugenio da Silva Costa

See author's posts

RELATED ARTICLESMORE FROM AUTHOR