Dili-Boxing sai ona modalidade ida kompetitivu iha mundu inklui Timor-Leste, maibé prémiu ba Boxista sira iha Timor sei ki’ik liu, bainhira sai kampeonatu iha eventu sira iha rai laran.
Tanba ne’e, representante Federasaun Boxing Timor Leste Domingos Malitete esplika, lametasaun Boxista sira nian ne’e hato’o ba governu atu rezolve, maibé to’o oras ne’e governu ladauk rezolve ho dignu.
Ita hare de’it iha tinan 2019, bainhira kampeonatu nasional iha Boxing ne’e simu osan ho montante $ 75 dolar ba primeira lugar, segundu lugar $ 50 dolar, terseru lugar $25 dolar”. Hateten representante Federasaun Boxing Timor Leste ne’e, bainhira partisipa iha komfrénsia imprensa El-Matador nian iha Resintu SEJD, Kinta (20/10).
Nia esplika, tuir lei desportu nian ne’ebé aplika ona iha 2018 katak, bainhira Boxista ida sai ba liur mak hetan medalla osan mean, sei simu osan rihun lima, osan berak sei simu rihun tolu, no simu medalla perunggu simu osan rihun rua.
Maibé kampeonatu sira iha rai laran, ninia tratamentu la ho dignu no la iha diknidade.
Maske tratamentu sira ne’e seidauk di’ak maibé tuir nia, foin dadauk Boxista na’in hat representa Timor Leste ba partisipa duni ASIA Games hodi rekolla duni medalla rua.
Representante husi Federasaun Boxing ne’e mós lamenta ho governu, tanba to’o oras ne’e seidauk haree hetan modalidade Boxing iha Timor.
Sekretáriu Estadu Juventude no Desportu (SEJD) ida agora ne’e nia funsaun saida, nia nunka hanoin atu promove joventude sira nia talentu. Ita kompara ho nasaun seluk ita nia tratamentu ba Boxing ne’e sei menus, menus tanba saida! Tanba apoiu husi governu mós menus. Nia preokupa.
Lamentasaun Boxista sira nian ne’e lolos ba husu governu, tanba saida hau dehan ba husu governu, tanba ita hatene Boxing ne’e buat ida todan, tanba saida federasaun halo proposta beibeik, tuir nesesidade ne’ebé iha, maibé governu la atinji.
Nia mós hateten tan, ho problema sira ne’e halo Federasaun tenki fera ulun, oinsa atu hare prémiu ba Boxista sira ne’e.
Nia relemba, iha tinan sira liu kotuk ukupasaun Indonésia nian, Boxista barak mak representante Timor hodi tuir kompetisaun internasionál sira, hanesan eis Boxista Vitor Ramos, hodi hatudu katak Timor-oan mós iha átleta Boxing di’ak, maibé Timor Leste hanesan nasaun RDTL ona, sei dauk promove modalidade sira ne’e.
Nia mós husu ba governu atu apoiu Federasaun hotu ne’ebé hamahon-an iha Confederaçao Desporto Timor Leste (CDTL) nia okos, nune’e bele lori átleta sira sai kompetitivu iha nivél nasionál no internasionál.
Kompara ho tempu ukupasaun Indonésia nian, prémiu ho mdella no sertifikadu, maibé Timor Leste hanesan nasaun RDTL nia prémiu ba Boxista sira tenki ho diknidade ne’ebé áas.
Nia parte mós husu governu atu investe iha Boxing tenki ho orsamentu ne’ebé bot, nune’e bele promove di’ak liu tan Boxing iha futuru. (Desportu,xyz.)
“Boxista na’in 50 Sei Tuir Mini Kompetisaun Boxing”
Dili-Boxista na’in 50 husi klubu 12 sei tuir mini kompetisaun Boxing iha loron 21 to’o 23 fulan Outubru tinan ne’e iha resintu Sekretáriu Estadu Juventude no Desportu (SEJD) nian.
Tuir presidenti El-Matador Juvinal Dias katak, eventu ne’e realiza husi El-Matador ho objetivu atu loke espasu ba Boxista sira atu promeve sira nia talentu.
“Apresiasaun ba boxista no klubu sei fó tuir kapasidade El-Matador nian, tanba ami inisitiva hala’o eventu ne’e objetivu hakarak loke espasu ba Boxista sira iha Timor atu partisipa, nune’e mós atu fanun governu sira oinsa atu hare, Boxing ne’e hanesan modalidade ida di’ak mós ba Timor Leste”. Hateten Presidente El-Matador ne’e iha komfrénsia imprensa iha resintu SEJD kinta, (20/10).
Nia informa, atividade ne’e governu la fó doit ida, sira só fasilita de’it fatin, tanba ne’e sira la preokupa, tanba ida ne’e klubu sira mak iha inisiátiva rasik.
Klubu laiha diretu atu realiza eventu nasional ka internasional sira, eventu bot sira ne’e so Federasaun mak iha diretu, atu realiza nune’e bele fó premium ne’ebé bot ba Boxista sira.
Maibé eventu ne’e klubu hola inisitiva rasik hodi kopera ho Federasaun atu apoiu.
Iha fatin hanesan, representante Federasaun Boxing Timor Leste, Domingos Malitete, parte Federasaun paoiu inisitiva El-Matador nian ne’e hodi
Nia husu mós husu governu atu apoiu orsamentu ba Federasaun hotu hodi investe iha Boxing.
Enkuantu eventu ne’e realiza husi El-Matador no hetan apoiu husi Federasaun no SEJD no apoiu fundus husi Timor Gap ho orsamentu mil e tal. (desportu.xyz)
About Post Author
