DILI – Kapitaun Akadémika-FC, Tozi Junior livre ona husi nia kastigu ne’ebé mak árbitu foti kartu mean bainhira Akademik derrota 0-2 kontra Karketu Dili iha jogu dahuluk preliminár iha grupu C.
Iha jogu daruak Akademika kontra Aitana-FC, Tozi junior tur deit iha tribun hodi asiste ho espresaun triste tanba ekipa akadémika sempre sofre golu durante jogu la’o, FC akadémika ne’ebé lidera ona 1-0 iha inisiu jogu tenke hakruuk ho rezultadu 2-4 hosi ekipa adversáriu.
“Ha’u sente triste bainhira hetan akumula kartaun hodi la joga no mós triste Akademia ohin simu tan derrota husi Aitana. maibe iha jogu terseru ha’u fiar katak Akademia bele hetan vitória,”deklara Tozi Junior ba jornalista desportu.xyz estádiu munsipál Dili, Domingo (06/09).
Nia hatutan, tuir lolos ne’e jogu segundu kontra Aitana sira iha alvu hetan vitória hodi hadau fatin ba 8 finais, maibé simu fali derrota halo Akademia laiha ona dalan atu hakat ba oin.
“Iha jogu tuir mai ami tun ho jogador kompletu Akademia esperansa katak sei rekolla vitória ida ho hau nia presensa iha jogu terseru kontra Portu Taibesi,”tenik Tozi.
Atuál kapitaun Akademia Tozi Junior nia involve a’an iha ekipa anterior hamutuk ho Cacusan no nia konsege lori Cacusan promovidu ba premeira divizaun iha époka premeru Liga Futebol Amadora (LFA).
Junior muda ba Akademia iha epoka terseru LFA, hafoin nia eis klubu Cacusan degrada ba terseru devizaun. (Eugenio)
About Post Author
