Dili-(Desportu XYZ) Governu liu husi Sekretáriu Estadu Juventude no Desportu SEJD sei submete orsamentu hamutuk $ 240 mil bá konta bankaria orgaun Liga Futebol Timor Leste LFTL nian iha semana oin.
Proposta ne’ebé mak LFTL ho Federasaun Futebol Timor Leste FFTL submete bá iha SEJD mak hanesan orsamentu bá realiza liga Timorense no seluk mak Kalendariu do jogu ne’ebé sei hala’o iha fulan Dezembru 2022 no sei termina iha fulan Marsu 2023.
SEJD Abrao Saldanha hateten, iha proposta ne’ebé mak sira hakerek mai governu ne’e atu hahú iha fulan Dezembru no remata iha fulan Marsu 2023.
“Ami aprova ona proposta ne’e no iha sistema finanseru ne’e halo ona komitmen hodi asina i semana oin hanesan osan tama ona sira nia konta bankaria” afirma nia iha salaun SEJD segunda ne’e.
Nia dehan, agora ita hein liga ne’e realiza duni iha fulan Dezembru ga lae tanba sira mak aprezenta Kalendariu ne’e mai governu.
“To’o agora ha’u seidauk hetan fali informasaun ofisiál ruma husi Presidente FFTL ho liga tanba Ha’u nia hatene fofoun ne’e liga ida-idak haruka nia proposta,maibé ha’u husu fali bá orgaun rua ne’e atu halo proposta ida de’it”
Governante ne’e haktuir, dezentendementu ne’ebé mak karik iha entre FFTL ho LFTL,ha’u sei buka fali dalan hodi hare problema refere.
enkuantu, iha semana kotuk,FFTL hasai ona karta ida ba orgaun LFTL hodi husu liga atu loke ona janela transferensia bá jogador sira.
About Post Author
