Dili-governu liu Husi Sekretáriu Estadu Juventude no Desportu sei mantein ho orsamentu 200,000 mil ne’ebé mak antes ne’e tau ona tanba ne’e SEJD sei la Aumenta tan osan bá Liga Epoka 2022-2023.
Antes ne’e FFTL fó sai ona katak,FFTL tau ona orsamentu $200.000 no SEJD tau $200,000 hamutuk $ 400,000 hodi organiza Liga Futebol Timor.
Maibé iha inkontru horseik entre FFTL,LFTL no reprezentante husi klube rua hodi klia kona-ba realizasaun Liga,maibé ezijensia klube nian atu aumenta Subsidu,entaun LFTL no FFTL Tenki husu tan orsamentu balun bá SEJD hodi realiza liga iha Epoka 2022-2023 tanba orsamentu la Sufiseinti.
Hatan bá preukupasaun ne’e SEJD Abrao Saldanha hateten,aban ami sei halo inkontru ho FFTL hodi kolia kona-ba saida mak sira aprezenta mai SEJD.
“Ami sei hare por detalihos kona-ba defikuldade saida i tanba sa mak mosu difikuldade hanesan ne’e,maibé orsamentu desponivel ona tanba Parlamentu Nasionál aprova mak $ 200,000″tenik Abrao bá jornalista iha SEJD tersa (13/09)
Tuir Abrao katak,sei FFTL no LFTL dehan orsamentu ne’e la sufseinte,entaun ita hare sa defikuldade saida mak sira dezena para organiza liga ne’e.
“Orsamentu $ 200.000 fixu bá governu nia komitmentu,maibé aban ami sei hare hare hamutuk defikuldade sira ne’e”
Governante ne’e esplika, orsamentu agora ne’e iha klaran tha ona tanba orsamentu foun laiha atu apoiu tan,maibé aban ami sei tetu hamutuk hodi sai husi defikuldade sira ne’e para organiza ona liga.
About Post Author
